Татар халкының бөек шагыйре Габдулла Тукайның туган көнен билгеләп үтү безнең балалар бакчасында матур бер традициясенә әйләнде. Ә быел, яраткан язучыбызның 137 еллыгы уңаеннан район балалар киптапханәсе хезмәткәрләре Сайфиева А.Р., Халиуллина О.П. “Тукай әсәрләренә сәяхәт” дип исемләнгән чара уздырдылар. Чара барышында шагыйрьнең тормыш юлы искә төшерелде, "Өзек кайсы шигырьдән?", "Рәсемне таны", "Табышмак" уеннарында балалар бик актив булдылар, белемнәрен күрсәттеләр. Бәйрәмгә әкият персонажларының кунакка килүе тагын да ямь өстәде. 9нчы зурлар төркеме балалары тарафыннан “Шүрәле”, “Су анасы”, "Бала белән күбәләк", “Кәҗә белән Сарык» әсәрләрен сәхнәләштерерү нәни дусларыбызга бик күп шатлык, сөенеч китерде.