13-18 февраль аралыгында техникумда “Туган тел һәм әдәбияты” атналыгы узды. План буенча бик күп чаралар, конкурслар оештырылды. “Тапкырлар һәм зирәкләр” бәйгесендә 1 урын – 012, 2 урын – 011 группа укучыларында. Халыкара туган тел көненә багышланган олимпиадада 1 урын – 012, 2 урын – 112, 3 урын – 11Э, 011 группаларда. Бөек шагыйрь Муса Җәлилнең туган көне уңаеннан укучылар аның әсәрләрен сәхнәләштерде. 1 урын “Кызыл ромашка” әсәре өчен 012 группага, 2 урын “Бала йокысы” әсәре өчен 11Э, 3 урын “Дару” шигыйре өчен 011 группага бирелде. Фоат Садриевның “Таң җиле” әсәре буенча китап укучылар конференциясында 11П группа укучылары актив катнашты. 1 курс укучылары арасында татар телендә диктант язу конкурсы булды. 1 урында 011 группадан Шириева Регина, 2 урында 11В группадан Хисамиева Рузинә, 3 урында 11П группадан Самикова Разилә. Атналыкны татар теле һәм әдәбияты укытучысы Насыйрова З.Ш. үткәрде.