Күңелле дә,бераз күңелсез дә бәйрәм - Чыгарылыш кичәсе дә килеп җитте. Инде әзерлек күптән башланса да, апалар гына түгел, балалар да зур дулкынлану белән көттеләр бу кичәне. Сценарий буенча, балалар иң элек әкият геройлары булып чыктылар, аннан соң бергәләп белем иленә юл алдылар. Шигырьләрне аеруча ихласлылык белән сөйләде алар, биюләрне дә ,җырларны да оста итеп башкардылар.Интерактив тактадан балаларның нәни чагындагы фото- видеолары күрсәтелде.Соңгы җырны җырлаганда әниләрнең дә, апаларның да, хәтта балаларның да күңелләре тулып ташыды...Хәерле юл сезгә, нәни кошчыкларыбыз!