Ел саен без  кышлаучы кошларга җимлекләр элеп куябыз.Шулай итеп дусларыбызга ярдәм итәбез.Чөнки алар табигатебезне бизиләр.Алар-урман санитарлары, үсемлек орлыкларын таратучылар.Кошлардан башка табигать бөтенләй җансыз кебек тоелыр иде.
Менә быел да өч  җимлек элеп куйдык.Тәрәзә каршында булгач, күзәтүе дә уңайлы.Җимлек элү белән генә эш бетми әле.Аңа даими җим салып торырга кирәк.Төрле кошлар төрле азык белән туклана.Мәсәлән, чыпчыклар-бодай һәм ипи валчыклары,песнәкләр-көнбагыш төше, тары ярмасы, ә карабүрекләр- миләш, баланны нык яраталар.Кошларны без көн саен күзәтәбез.Күбрәк җыелсыннар өчен төрле-төрле ярмалар сибәбез.Аларның берсеннән-берсе матур итеп, җырлашып ашауларын күзәтү бик күңелле.Алар инде безгә ияләнделәр.Җимлекләребезне үз иттеләр.Алар безнең яраткан дусларыбызга әверелделәр.Әйдәгез, барыбыз да кошларны яратыйк һәм саклыйк!
Канатлы дусларым!
Канатлы дусларымны мин
Яратам, көтеп алам.
Кыш ае башлану белән
Аларга җимлек куям.
Быел да тәрәз каршына
Алмагачка элдек без.
Кошларыбыз килүен
Зарыгып ла көттек без.
Көн дә таң ату белән
Җим салабыз без мулдан:
Тары,көнбагыш,бодай
Ипи һәм карабодай.
Җим салу белән кошлар
Ашханәгә тулалар.
Ашап туйгач, җылынгач,
Уйнаклашып очалар.
Канатлы дусларым шулай
Безгә рәхмәт әйтәләр.
Ел саен шушындый ярдәм
Булыр диеп көтәләр.