Төрле материаллар кулланып бакчабызда балалар искиткеч кул эшләре уйлап табалар. Менә аларның берсе сырлы кәгазьдән матур котлау хаты.

Бакчабызда ата-аналар җыелышы булып узды. Бакча мөдире Филсинә Каримулловна түләүләр үзгәреше белән таныштырып узды. Тәрбиячеләр яңа УМКлар белән таныштырды. Ата-аналар үзләрен кызыксындырган сорауларга җаваплар алдылар.

Барыбызны да сокландырып бакчада Көз бәйрәме үтте. Бу күңелле чарага ата-аналар чакырылды. Зур иҗады эш башкарылды: күңелле биюләр, матур җырлар, кызыклы уеннар, бәләкәй артистларыбызның оста уены! Бәйрәм күңелләрдә онытылмаслык сәяхәт булып истә калды.

Бу атнада бакчабызда традицион булмаган ысул белән рәсем ясау шөгыльләре узды.   

Бүлмәләребез көз бәйрәменә балкып торсын дип, балалар үзләре тәрбияче ярдәме белән яфраклардан гирляндалар ясады.

Шәрәфиева Алсу Хәйдәр кызы  " Методические и технологические основы проведения аттестационной экспертизы в условиях изменения порядка аттестации пед.работников ДОУ" дигән темага укуда булып кайтты.

Бакчада төрле-төрле күңел ачулар булып тора. Мәсәлән куык кабартырга өйрәнү. Бу карап торышка гади һәм күңелле уен балаларны сулышны тирән алырга, тигез итеп өрергә өйрәтә.

Баланың мәктәпкә барганчы төп эшчәнлеге- уен. Ул уен аша әйләнә-тирәне танып белергә,    кеше арасындагы мөнәсәбәтләрне аңларга өйрәнә. Нәкъ уенда төрле әйберләрнең көнкүрештә алып торган урынына төшенә һәм олылар, башка балалар белән аралашу тәҗрибәсен ала. Безнең бакчада бала бар яктан да үсеш алсын өчен төрле темаларга сюжетлы-рольле уеннар үткәрелә. 

Авыл кешесе тормышында чишмәләрнең  урыны зур. Балаларны үз авылыбызның  чишмәсен карарга алып бардык. Бу кечкенә генә сәяхәт аларга гомүми  күзаллауларын киңәйтергә, табигатькә сакчыл караш формалаштырырга ярдәм  итте һәм  су байлыкларының киләчәгенә игътибарларлы булырга да өйрәткәндер, мөгаен.