14 декабрь Күшәр мәдәният йорты. "Ел хатын - кызы. Ел ир - егете: хатын - кыз күзлегеннән" Республика бәйгесенең район турында "Хатын - кыз мәдәният һәм рухият" номинациясендә тәрбияче Шәрәфиева Алсу җиңү яулады.

27 ноябрь көнне Дусым балалар бакчасында "Мәктәпкәчә белем бирүдә Федераль белем бирү стандартларын  гамәлгә ашыруда экологик белем бирүгә якын килү" темасына багышланган практик семинарда тәрбияче Залилова Айсылу катнашты.

Балаларыбыз Бәрәскә мәдәният йортында Әниләр көне уңаеннан оештырылган зур концертта катнаштылар. Җырладылар, биеделәр, шигырьләр сөйләделәр. Булачак артистлар менә шулай тәрбияләнә.

Бүген безгә кунакка көз кызы килде. Ул үзе белән безгә дусты яңгырны да алып килгән иде. Алар балаларны уйнаттылар, җырлаттылар, биеттеләр. Ә яңгыр явып үстергән кабакны бөтен төркемебез белән көчкә түтәлдән тартып чыгардык!

Бүген бакчабызда зурлар төркемендә көз бәйрәме үткәрдек. Бәйрәмебезгә кунакка әти - әниләр дә килде. Көз бәйрәме әкият геройлары, яшелчәләр, күңелле җырлар, биюләр белән үрелеп барды. "Көзге шляпа" конкурсына йомгак ясалды. Балаларга дипломнар бирелде.

Буген бакчабызда "Әдәп төбе - матур гадәт" дигән темага әдәплелек бәйрәме үткәрдек. Кунакка кечкенәләр төркеме балалары да керде. Бәйрәмебез ярыш формасында барды. "Яшелчәләр" һәм "Уенчыклар" командаларына бүленеп балалар әдәплелек кагыйдәләренә өйрәнделәр.

Бакчабызда ике төркемдә дә әти - әниләр арасында  "Көзге шляпа" конкурсы башланып китте. Нәтиҗәләр көз бәйрәмендә ясалачак.

Нәни кулларыбыз белән кечкенәләр төркемендә тырыша тырыша агачка тосле яфраклар ясадык.Көзга агач болай да матур була икэн! 

Табигатькә көз килде.Без дә балалр белән көзнең барлык матурлыкларын, табигатьтәге үзгәрешләрне күзәтергә дип экскурсиягә юл тоттык....

Бүген бездә ата-аналар җыелышы булып узды. Әти-әниләрне эш дәфтәрләре, УМКлар белән таныштырдык. Фельдшер Хакимуллина Рәзинәнең прививка, грипп, профилактика чаралары турында чыгышын тыңладык. Әти-әниләр үзләрен кызыксындырган сорауларын бирделәр.