Бүген мәктәбебездә "Кунак килгәч күңелле, кунак килгәч бик рәхәт!" дип исемләнгән бик күңелле , җылы очрашу узды. "Таткультресурсцентр" материалны цифрлы эшкәртү буенча методисты  Насыйбуллина Миләүшә Гыйльметдин кызы, язучы Шәрәпова Йолдыз Әдип кызы, балаларның яраткан дәү әниләре "Күчтәнәч" балалар өчен махсус телетапшыру алып баручысы дәү әни Әлфинур апа Хисами , мәктәбебезнең ветеран укытучысы Фомина Лилия Леонард кызы безнең бүгенге чарабызның мөхтәрәм кунаклары булдылар. Алар очрашуыбызны тагын да тулылындырып, нурландырып, җанландырып җибәрделәр. Чара балалар  язуычысы -кунагыбыз Йолдыз Шәрәпованың шигырьләрен сөйләү, җыр, бию белән үрелеп барды. Килгән кунаклар укучыларыбызны үзләренең иҗатлары белән таныштырдылар,  аларның кызыклы сорауларына җавап бирделәр.  Бүгенге җылы очрашу һәркемнең күңелендә якты истәлек булып сакланыр дип уйлыйбыз! Мондый күңелле очрашулар дәвамлы булсын иде, дип телибез.