Бүген мәктәп яны лагерена йөрүче укучыларыбыз 1 июнь-Балаларны яклау көне уңаеннан "Туган ягым" ял паркында уздырылган "Балачак иле" дип исемләнгән чарада катнаштылар. Алар өчен төрле кызыклы мәйданчыклар эшләде. Монда асфальтта рәсем ясарга да, милли бизәкләр төшерергә дә, спорт уеннарында командалап катнашып бүләкләр отарга да мөмкин иде.

Ә ахырдан шушы күңелле көнне йомгаклап, Әтнә балалар сәнгать мәктәбе укучылары әзерләгән концерт булды. Анда мәктәбебез укучылары да катнашты. Чараны оештыручыларга зур рәхмәтебезне белдерәбез! Балаларыбыз сәламәт, игелекле, бәхетле булсын!

Сегодня наши учащиеся, посещающие пришкольный лагерь, вспомнили правила поведения на воде, поиграли на свежем воздухе, попробовали самостоятельно создать игровые маршруты.

Бүген укучыларыбыз мәктәп яны лагеренда оештырылган күңелле стартларда катнашып, үзләренең җитезлекләрен күрсәттеләр. Саф һава сәламәтлек өчен бик файдалы!

Бүген мәктәп яны лагерена йөрүче укучыларыбыз рәхәтләнеп саф һавада уеннар уйнадылар, сәламәтлекләрен ныгыттылар, паркта булдылар.

Бүген мәктәп яны лагеренда ял итүче укучыларыбыз иртәнге рапорт, зарядка һәм аштан соң табигатькә чыктылар. Алар табигатькә сокланып, кошлар сайравын тыңлап, саф һава сулап рәхәтләнеп ял итеп кайттылар. Ашханәдә аларны кайнар ризык каршы алды.

Хезмәт һәм ял лагерендагы укучыларыбыз да мәктәпнең тәҗрибә участогында намус белән эшлиләр. Аларның хезмәте ял белән чиратлашып бара.

Бүген 5-8, 10 нчы сыйныф укучылары табигать кочагында ял итеп, саф һавада уеннар уйнап, алып килгән тәмле ризыклары белән сыйланып кайттылар. Бу традицион походны укучыларыбыз һәрвакыт зарыгып көтеп алалар. Алда - җәйге каникуллар! Без укучыларыбызга күңелле яллар телибез!

Бүген мәктәбебез базасында оештырылган хезмәт һәм ял лагере белән "Бәхетле балачак" мәктәп яны лагере үз эшләрен башлап җибәрделәр. Балаларны күңелле һәм мавыктыргыч көннәр, файдалы ял көтә. 

Бүген мәктәбебездә чыгарылыш сыйныф укучылары өчен "Соңгы кыңгырау" бәйрәме булып узды. Укучыларыбызга имтиханнарын уңышлы тапшырып, үзләре теләгән уку йортларына керүләрен, бар теләкләре тормышка ашуын телибез. Ак юллар сезгә! Ак бәхетләр!

Шулай ук 4 нче сыйныф укучылары да башлангыч белем баскычыннан төп белем алуга күчүләрен билгеләп үттеләр. Аларга уңышлар телибез!

Бүген "Мәктәптән тыш эшләр үзәге"нең еллык хисап бирү чарасы булды. Аның кысаларында "Әдәби хәзинә" дәрестән тыш эшчәнлеген алып барган өстәмә белем бирү педагогы, укытучыбыз Садриева А.Г. һәм мәктәбебезнең "Йолдызчык" театр коллективы (җитәкчесе Шакирова Л.Х.) эшчәнлеге грамота белән билгеләп үтелделәр. Шулай ук бу чарада "Мәктәп театры" проекты кысаларында эшләп килүче "Йолдызчык" берләшмәсенә йөрүче укучыларыбыз шушы уку елында өйрәнгән спектакльнең өзеген тамашачыларга тәкъдим иттеләр. 

Бүген Әтнә муниципаль районы башкарма комитеты, Яшьләр эше, спорт һәм туризм бүлеге, Бөтендөнья татар конгрессының Әтнә район җирле бүлеге, "ТАТМЕДИА" АҖ "Әтнә таңы" газетасы редакциясе, Әтнә районы "Ак калфак" татар хатын-кызларының иҗтимагый оешмасы уздырган "Казан арты - Әтнә төбәге" V нче районкүләм иҗади бәйгесенә нәтиҗәләр ясалды. Мәктәбебез "Иң актив катнашучы" дипломына ия булды. Күәм урта мәктәбеннән 9 эш шушы бәйгедә үз номинацияләрендә урыннар алды, 3 укытучыбыз һәм 6 укучыбыз дипломнар, истәлекле бүләкләргә ия булдылар. Аларны котлыйбыз! Алга таба да иҗади уңышлар телибез!