Табигать белән аралашу балаларда гүзәллек хисе тәрбияли. Күк йөзенең ачык төсләрен, яфракларның матур төсен һәм формасын күзәтү, тере табигатьтә матур авазларны тыңлау — балага хәтта иң матур рәсемле китапка караганда да яктырак күзаллаулар бирә.
Безнең күркәм традиция буенча көзге табигатьнең бөтен матурлыгын күрү һәм тою өчен экскурсиягә киттек. Сәфәр алдыннан балалар табигатьтә үз-үзләрен тоту кагыйдәләрен искә төшерделәр һәм бөтен экскурсия дәвамында аларны үтәделәр.
Балаларыбызның экскурсиягә баруы әнә шундый мавыктыргыч, истә калырлык һәм якты вакыйга булды. "Әгәр баланы логик фикер йөртергә өйрәтәсегез килсә, аны табигатькә алып барыгыз", – дип киңәш итә танылган рус педагогы К.Д. Ушинский.