Мәктәбебездә Бөек Җиңүнең 80 еллыгы уңаеннан, туган телләр атналыгы кысаларында татар халкының бөек улы, шагыйрь Муса Җәлилгә багышланган “Каләмне корал итеп...” дип исемләнгән әдәби кичә үткәрелде. Укучылар герой шагыйрьнең тормышы, иҗаты белән таныштылар. “Вәхшәт” шигыренең аудиоязмасы яңгырады. Тетрәндергеч шигырь бер укучыны да битараф калдырмады. Шагыйрьнең тормышы турындагы белемнәрен викторинада сынадылар.  Сугышта катнашкан башка шагыйрьләрне дә искә алдылар.  Укучыларның актив катнашулары, шагыйрьнең иҗаты белән кызыксынулары күңелне сөендерде. Кичә бик күркәм һәм файдалы үтте.  Муса Җәлилнең гомере җырга әверелде. Яшәү, Көрәш, Батырлык турындагы мәңгелек җыр ул!  Аның батырлыгын онытырга безнең хакыбыз юк.