Бүген без организмыбыз өчен кирәк булган язгы витаминнар турында сөйләштек.  Яшелчә һәм җиләк-җимешләрнең файдасын ачыкладык. Бу витаминнарны еш кулланырга кирәклеге искәртелде.Витаминнар җитмәсә, төрле авыруларга тиз бирешәсең икәнен балалар бик яхшы аңлады. 

Бүген бездә кадерле әниләребезнең бәйрәме булды һәм "Җырлаоке" бәйгесе уздырылды. Бу бәйгедә әниләр бик теләп катнашты, җиңүчеләр билгеләнде. Балалар әниләрен матур җырлар, кызыклы биюләре белән сөендерде.

Сөекле әниләрне

Кадерлибез, зурлыйбыз.

Сәламәтлек,бәхет теләп

Бәйрәм белән котлыйбыз.

Тиздән 8 март  бәйрәме җитә. Без әниләребезгә матур җырлар, биюләр өйрәнәбез.

Бүген Хәятнең туган көне. Без аны бу якты бәйрәме белән чын күңелдән котлыйбыз. Сәламәт, бәхетле булып үссен.

Барыгызны да язның беренче көне белән котлыйбыз.

Кояш көлеп карый безгә,

Күзләр чагыла.

Елгалардан бозлар ага

Диңгез ягына.

Яз, яз,яз җитә.

Тәрәзәне ачтылар.

Тып,тып,тып итә

Эре-эре тамчылар.

Мәктәпкә әзерлек  төркемендә  йорт хайваннары һәм кыргый җәнлекләр тормышындагы язгы үзгәрешләр белән таныштык.

Хәрефләр өйрәнербез дә,

Сүзләр төзеп уйнарбыз.

Бу яраткан бакчабыздан

Беркайчан да туймабыз.

Без үзебезнең сәламәтлегебез өчен кайгыртабыз. Сәламәтлек өчен  шәхси гигиена кагыйдәләрен төгәл үтәү, саф һавада йөрү дә бик файдалы.

Тиздән әниләр бәйрәме. Кадерле әниләребезгә үз кулларыбыз белән бүләк ясыйбыз.

Тиздән әниләр бәйрәме,

Безнең өчен дә бәйрәм.

Әниләребезгә телик

Кояшлы матур көннәр.

Барлык  ир- егетләрне бәйрәмнәре белән котлыйбыз. Аларга тазалык, бәхет-шатлык телибез.