Дус яшәргә кирәк җир йөзендә,
Дуслар кирәк һәрбер кешегә
Дуслык булса, яшәү дә күңелле,
Уңай була һәрбер эшең дә.
Югары Бирәзә башлангыч мәктәбендә "Дуслык көне" узды.Кыен чакта безгә ярдәмгә әти-әниләр,дуслар килә.Авырлыкларны бары тик бер-берең белән дус-тату,бердәм булганда гына җиңеп чыгып була.Укучылар дуслык турында мәкальләр әйттеләр,дуслык агачын бизәделәр.

Поздравляем!

   Бөек Ватан сугышына  бу җирлектән  461 кеше үзенең изге гражданлык бурычын үтәргә − туган илебезне фашистлардан  азат итәргә киткән. Шулардан фәкать 167 кеше генә туган авылга әйләнеп кайту бәхетенә ирешкән. Калганнары, ягъни 294 кеше Ватан өчен изге көрәштә киләчәк буыннарның якты киләчәге өчен корбан булганнар.

Каһарманнар истәлеген зурлап,

Күп җирләрдә һәйкәл калыкты.

"Туган илне уяу саклагыз!" − дип,

                                                                                             Ул  чакыра гүя халыкны.

Мәктәбебездә  Тукай  көннәре  дәвам итә. Район күләмендә дә  бөек  шагыйребезнең   тууына  129 ел  тулуга  багышланган иҗат конкурслары  бара. Анда  безнең  мәктәптән 3 нче класс укучысы  Камалова  Айсинә  дә   чыгыш  ясап, район  мәдәният җитәкчесе  кулыннан  сертификат  алып  кайтты.

“Син Тукайны  беләсеңме?" исеме астында, 5 – 9 нчы класс укучылары  белән Г.Тукай иҗаты, тормыш юлына багышланган  викторина  үткәрелде. Викторина  барышында укучылар үзләренең тапкырлыкларын, осталыкларын күрсәттеләр, шагыйрьнең шигырьләрен  төрле юллары һәм  рәсемнәре  аша таный белделәр. Җиңүчеләр  дә  билгеле: 5 класстан Шакиров Илсаф, 8 нче класстан Җиһангиров Алмаз  һәм  Сафиуллина Ралинә.

24 апрель – Игелекле эшләр  көне. Көннең  девизы:

“Әгәр итсәң берәүгә син изге эш,

Үзеңә дә килер шундый ук өлеш.”

Безнең янәшәбездә генә көннәрен һәм төннәрен сызланулар белән үткәрүче күпме инвалидлар, ата-ана назыннан мәхрүм калган ятимнәр, картлык көннәрен ялгыз кичерүче әбиләр һәм бабайлар. Алар барысы да безнең ярдәмебезгә, кайгыртучанлыгыбызга мохтаҗ. Шуңа күрә һәркайсыбыз йөрәге чакыруына колак салырга, игелекле эшләргә вакыт табып, игътибарлылык, шәфкатьлелек күрсәтергә тиеш. Без дә авылыбыздагы сугыш һәм хезмәт ветераннарына, ялгыз яшәүче әбиләргә булышлык күрсәтәбез.

Иске-Йорт башлангыч мәктәбе укучылары Габдулла Тукай туган көннәрдә аның шигырьләрен,әкият-мәсәлләрен укыдылар."Без Тукайны беләбезме?" дигән сорауга җавап эзләделәр.

Мәктәбебездә  Тукай  көннәре  кысаларында  төрле чаралар үткәрелеп килә.  Класс  сәгатьләрендә  укучылар шагыйрьнең   тормыш  мизгелләре  турында   видеофильм  карадылар, Габдулла Тукайның иҗатын искә төшерделәр, белем-күнекләләрен яңа мәгълүматлар белән тулыландырдылар.  Башлангыч класс укучылары “Могҗизалар кырында” булып, аның тормыш юлы, иҗаты  буенча  белемнәрен сынап карадылар. Сораулар  шагыйрьнең “Исемдә калганнар” әсәре  буенча  төзелгән иде. Әлбәттә, укучылар сынатмадылар.

Бүген 4  нче  класс  укучылары    Республика күләмендә үткәрелгән белем бирү сыйфатын  бәяләү мониторингында катнаштылар һәм математикадан йомгаклау эшен эшләделәр.

Мәктәбебездә    “Язгы  изгелекләр  атнасы” дәвам итә.  Бүген “Мәрхәмәтле сүзләр”  көне.  Көннең  девизы  шундый:

Мәрхәмәтле булыйк олыларга

Миһербанлы булыйк кечегә.

Яхшы сүзебезне кызганмыйк без

Дөньядагы һәрбер кешегә.

   Башлангыч  классларда  “Син ягымлы сүзләр беләсеңме” дигән темага  тәрбия сәгатьләре,  5- 7 нче  классларда  “Мәрхәмәтле булыйк!” 8 – 9 нчы классларда  “Ягымлы сүзләрне   еш әйтәбезме?”  дигән  диспутлар үткәрелде. Әңгәмәләр  барышында  шулай ук табигатькә, хайваннарга да мәрхәмәтле булырга кирәклеге әйтелде. Табигатьне пычратмас өчен без нәрсәләр эшләргә һәм нәрсәләр эшләмәскә кирәклеге турында сөйләшенде.Әби-бабаларыбызга, әти-әниләребезгә, туганнарыбызга, иптәшләребезгә ягымлы сүзләрне  ешрак әйтергә кирәк, табигатьне саклау-  безнең изге бурычыбыз  дип йомгак ясалды.