Арча районы администрациясенә 14 нче февраль көнне укытучылар җыелды. Татарстанда республикабыз Рәисе Рөстәм Миңнеханов катнашында Укытучы һәм остаз елын ачу тантанасы узды. Анда видеоконференция режимында ветеран укытучыларыбыз, яшь педагоглар, “Ел укытучысы” һәм башка бәйгеләрдә җиңүчеләр катнашты. Безнең мәктәптән татар теле һәм әдәбияты укытучысы Касыймова Зөһрә Габбас кызы әлеге чарада катнашты. Тантаналы чара башланыр алдыннан аларны район башлыгы Илшат Нуриев сәламләде.

15 февраля на стадионе г. Арск состоялись лыжные соревнования среди членов профсоюза учреждений образования, посвящённые 34-й годовщине вывода советских войск из ДРА, Году педагога и наставника.

Бүген, 18 февраль көнне, безнең коллективыбызның йөзек кашы, иң мәрхәмәтле, киң күңелле, гаять сабыр, искиткеч кешелекле татар теле һәм әдәбияты укытучысы Лилия Нуртдиновнаның 55 яшьлек юбилее. Без аны шушы күңелле бәйрәме белән кайнар котлыйбыз. Исәнлектә, саулыкта тагын күп еллар бергә- бергә кулга-кул тотынып эшләргә насыйп булсын.

14 февраль конне мәктәбебездә 6-9 класс укучылары инглиз теле укытучысы белән "Blind date" (свидание вслепую) дип аталган ярыш- конкурс оештырдылар. Конкурста катнашучы парлар бер-берсен инглиз телендә язылган анкеталар буенча сайладылар. Нәтиҗәдә, өч пар үзләренең инглиз теле буенча җитезлекләрен, тапкырлыкларын, инглиз теле буенча белемнәрен, җитезлек-тапкырлыкларын сынап, командада эшли белү сәләтләрен күрсәттеләр. Укучылар истәлек грамоталары, сертификат һәм баллы призлар белән бүләкләнде.

Бүген Утар- Аты төп гомуми белем мәктәбенең 1 нче сыйныф укучыларының "Рәхмәт сиңа, Әлифбам" дип исемләнгән беренче китаплары бн хушлашу бәйрәмнәре узды. Балалар күңелле фәнни биремнәр үтәделәр һәм "Чукмар бн Тукмар" әкиятен сәхнәләштерделәр.

Муса Җәлил – бөтен дөньяда билгеле шагыйрь. Ул – татар халкының горурлыгы, каһарман шагыйре.
Укучыларга Муса Җәлил үрнәгендә гражданлык һәм патриотик тәрбия бирү, шагыйрьнең тормыш юлы һәм иҗаты турында белемнәрен баету, логик фикерләү сәләтен үстерү, шагыйрь иҗатына мәхәббәт тәрбияләү максаты белән һәм әдипнең тууына 117 ел тулу уңаеннан "Муса Җәлил-үлемсез шагыйрь" дип исемләнгән кичә үткәрелде. Кичәне 7 нче сыйныф укучылары алып барды.
Кичә барышында укучылар әдипнең биографиясен яктырткан сорауларга җаваплар бирделәр, шигырьләрен укыдылар, җырлар җырладылар.

Патриот шагыйрь М. Җәлилнең туган көне уңаеннан Субаш-Аты башлангыч мәктәбе 1 сыйныф укучысы Хөсәенова Язилә "Кызыма" шигырен сөйли

15 нче февраль көнне Афганистанда хәрби хезмәт узган ир-егетләребезне котладык. Без Сезнең белән горурланабыз! Орнашбаш авылыннан Рәшит Сафин, Фәрит Гумеров, Югары-Аты авылыннан Ринат Нуриев, Хәлим Вилданов бу авырлыкларны чын ир-егетләрчә уз җилкәләрендә күтәрделәр.

Субаш-Аты башлангыч сыйныф укучылары хәрби операциядә катнашучы ир-егетләрне бәйрәм белән котлап открыткалар ясадылар.
Бу открыткалар 17 февраль көнне исемле посылкалар белән алар хезмәт иткән җирләргә китәчәк.
Бәйрәм белән сине, батыр солдатыбыз!
Сине һәркөн искә алабыз!
Изге бурычыңны яхшы тәмам итеп
Исән-имин кайтуыңны көтәбез.

Патриот шагыйрь М. Җәлилнең туган көне уңаеннан Субаш-Аты башлангыч мәктәбе 3 сыйныф укучысы Исмәгыйлова Камилә "Маэмай" шигырен сөйли