Бу атнада "Туган ягым - Татарстан" дигән проект эшен башлап җибәрдек. Балаларда туган якка карата ярату хисе тәрбияләү , Татарстан башкаласы Казан турында белемнәрен тирәнәйтү өстендә эшләдек. Өлкән төркемдәге балалар белән, күмәк эштә, Казан Кремелендәге корылмаларны эвәләдек.Балалар бик тырышып, яратып бу эшне иҗат иттеләр.

Бакчада "Көзнең бер көнендә... "-дигән иртә бик күңелле үтте. Иртәгә укытучы апаларын чакырдык. Иртә җырлар, биюләр, шигырьләр, уеннар белән аралашып барды. Көз темасына багышланган викторинада зур төркем балалары   бик актив катнаштылар.

   Бакчада ата-аналар  һәм балалар көче белән "Челтәр -челтәр яфрак" -дигән күргәзмә оештырдык.

 Без ата- аналар белән тыгыз элемтәдә торабыз. Ата-аналар теләге белән электрон эләмтә дә оештырылды. Ә бүген бездә "ФГОС белән укыту-тәрбия эшен алып бару”темасына багышланган ата- аналар җыелышы уздрылды.

Бакчада балалар төрле рольләргә кереп уйнарга яраталар ."Ряженка" почмагында моның өчен бөтен мөмкинлекләр дә бар. Карагыз әле, чын Әлмәндәр түгелме?!

Бакчада сәхнәләштерү аша балаларда артистлык күнекмәләрен үстерәбез. Телнең сәнгатьлелеген камилләштерү, хәтер сәләтен үстерү өстендә эшлибез. Балалар таныш әкиятләрне сәхнәләштерергә бик яраталар. Мәктәпкә әзерлек төркем балалары "Шалкан" әкиятен сәхнәләштерәләр.

Бүген  Зиләнең туган көне.Бүген иртәдән зур кызлар  иҗат почмагында мәш киләләр, дусларына бүләк әзерлиләр. Без дә Зиләне чын күңелдән котлыйбыз. Шушындый ягымлы, тәртипле,  кешелекле булып кал. Барлык апаларың да сине бик яраталар.

Саулык- зур байлык. Балаларда үз саламәтлекләренә карата игътибарлылык, сак караш тәрбияләргә  тырышабыз. Балаларга сәламәтлекне саклауда уңай психологик атмосфера да зур йогынты ясаганын төшендерергә тырышабыз. Бакчада "Релакс" минутлары.

Мәктәпкә әзерлек төркем балалары белән эшчәнлек тыгыз атмосферада алып барыла. Балаларда белем алуга омтылыш уятуга төрле кызыксыну чаралары кулланабыз.Һәр белем бирү өлкәсендә ФГОС тәләпләренә туры килгән эш дәфтәрләре кулланабыз. 

Кече төркем балалары белән саф һавада индивидуаль уеннар оештырабыз.