Сеҗе авыл җирлеге территориясендә сугыш елы балалары һәм тыл хезмәткәрләре барысы  80  кеше булып исәптә тора. Бу саннар үз эченә Сеҗе, Починок-Поник, Ташкич, Мөрәле авылында яшәүчеләрне ала.  Бүгенге көндә 70 өлкән кеше белән безнең укучылар очрашып чыкты. Проект үрнәге буенча анкеталар тутырылды. Күбесен балалар үзләре тутуырып, өлкәннәр имзалады. Ә кайбер өлкәннәребез ул анкеталарны , бик теләп, үз куллары белән тутырдылар. Әйтергә кирәк, бу эшне балалар бик хөрмәт белән һәм бик теләп башкардлар. Беррәттән видеоязмалар да яздырдылар .Алар бүгенге көндә  «Наша общая Победа»  сайтына урнаштырылып барыла.  Дүрт видеоязма сайт җитәкчеләре тарафыннан хупланды. Тагын дүртәве чиратта тора.  Анкета гына түгел, өлкәннәрнең сугш чоры хатирәләрен һәр бала кулдан язып алды. Сүзләрен үзгәртмичә алар компьютерда  җыелды һәм яңадан аларның дөреслеге өлкәннәр тарафыннан имзаланып, расланды. Мәктәптә бу вариантның бик бай эчтәлекле папкасы тупланды. Мәктәп музеена куелды. Укучылар бер-берсе алып килгән язмаларны өйрәнәләр. Бер караганда, ул чор истәлекләре еш барланса да, бу проект буенча килгән истәлекләрдә тагын да күп хатирәләр, хәтта яңалыклар бар. Күбесе тәэсирләндерә, хисләрне кузгата. Балалар да һәрберсе үзе өчен ниндидер яңалык өйрәнә.