Кадерле дуслар! Сезне илебезнең иң олы бәйрәмнәренең берсе — Россия көне белән ихлас күңелдән котлыйбыз! Россия — ул безнең уртак йортыбыз, чиксез киңлекләр, бай тарих һәм төрле халыкларның какшамас дуслыгы берләшкән бөек ил. Без — төрле телдә сөйләшүче, әмма бердәм тарихи язмышка ия булган зур һәм тату гаилә. Бүгенге көндә Татарстан илебезнең иң алдынгы һәм чәчәк атучы төбәкләренең берсе булып тора. Без үз хезмәтебез, иҗатыбыз һәм уңышларыбыз белән Ватаныбызның кодрәтен арттырабыз. Бу истәлекле көндә һәрберегезгә ныклы сәламәтлек, гаилә иминлеге, яңа казанышлар һәм тыныч күк йөзе телибез! Йортларыгызда һәрвакыт җылылык, бәхет һәм үзара аңлашу хөкем сөрсен. Бәйрәм белән!