Россиядә 2025 нче ел Ватанны саклаучылар елы дип кабул ителү уңаеннан, Сеҗе төп гомуми белем бирү мәктәбендә   хәрби-патриотик эш айлыгы кысаларында укучылар Әфганстанда хәрби бурычын үтәгәндә батырларча һәлак булган  Починок-Поник авылы егете Фәнис Бикбаевның туганнары, Арча районы әфган сугышчыларының  “Сугышчан туганлык” иҗтимагый оешма җитәкчесе С.Л.Баһаветдинов, оешма активистлары Зарипов Р.С., Миндубаев И.И. белән очраштылар .Нәкъ менә шушы көнне 36 ел элек,  1989 елның 15 февралендә Әфганстаннан совет гаскәрләре чыгарыла. Анда безнең солдатлар 10 ел дәвамында интернациональ бурычларын үти. Сугыш хәрәкәтләре ветераннары Әфганстандагы хезмәт белән бәйле үз кичерешләре, авырлыклары һәм шатлыклары турында сөйләделәр. Укучылар бик кызыксынып, һәр сүзне игътибар белән тыңладылар. Алар күп сораулар бирделәр һәм әңгәмәдәшләренең батырлыкларына тирән хөрмәт белән карадылар.  Бу очрашу хәрби хезмәт турында күп яңалык ишетү белән беррәттән патриотлык, батырлык һәм тугрылык турында кыйммәтле дәрес тә булды.