Һәр халыкның туган теле - аның мәдәнияте, тарихи көзгесе. Шуңа да телебез сафлыгы, матурлыгы, аһәңлеге өчен армый-талмый көрәшергә, эшләргә кирәк.  Әни һәм туган тел- аерылгысыз төшенчәләр. Икесе дә һәр кеше өчен изге һәм кадерле.  Бүген   мәктәбебездә “Тел- ананың баласына биргән иң зур бүләге“ исеме астында сыйныф сәгатьләре булып узды.  Укучылар белән туган тел һәм иң кадерле кешеләребез - әниләр турында әңгәмә оештырылды. Балалар әниләре турында язган иншаларын укыдылар. Шулай ук күңелле сорауларга җавап бирделәр, кроссвордлар, ребуслар чиштеләр. 8 Март бәйрәме уңаеннан әниләргә котлау открыткалары яздылар. Укучылар әниләренә тәртипле булырга, тырышып укырга сүз бирделәр.