Җирлегебездә яшәүче ветераннар һәм тыл хезмәтчәннәренең хәлләрен укучыларыбыз һәрвакыт белеп торалар һәм аларга йорт эшләрендә даими рәвештә булышалар. Бөек Җиңүнең 70 еллыгы уңаеннан үткәрелә торган чараларда тимурчылык эшчәнлеген һәм волонтерлык хәрәкәтен тагын да активлаштыру - яшь ,esyuf патриотик тәрбия бирү максатында алыштыргысыз чаралар.  

"Туган телем - гаиләм теле" республикакүләм конкурсы кысаларында "Гаиләм язмышы-ил язмышы" иҗади эшләр бәйгесенең "Безнең нәселдә олы шәхесләр" номинациясендә (4-5 сыйныфлар) 3нче урынны алган Илүзә Әхтәмова Арча районы мәгариф идарәсенең Котлау грамотасы белән бүләкләнде Укытучысы-Гөлнур Загафарова.

"Туган телем - гаиләм теле" республикакүләм конкурсы кысаларында "Гаиләм язмышы-ил язмышы" иҗади эшләр бәйгесенең "Безнең нәселдә олы шәхесләр" номинациясендә (6-8 сыйныфлар) 3нче урынны алган Радил Загафаров Арча районы мәгариф идарәсенең Котлау грамотасы белән бүләкләнде Җитәкчесе-Гөлүсә Җәләлиева

Бүген 9нчы сыйныф укучылары татар теленнән сынап карау рәвешендә Бердәм республика имтиханы биремнәрен үтәделәр. Махсус бланклар белән эшләү күнекмәләрен ныгыту, имтиханнарга әзерлек максатыннан үткәрелгән бу чара укучы балаларда җаваплылылык хисен арттыра.

Мәктәбебезнең "Туган як" музеенда 5-6 сыйныфларга музей җитәкчесе Әхкәмова Н.Ю  җитәкчелегендә тәрбия дәресе үткәрелде. Экскурсоводлар укучыларны туган төбәк тарихы белән таныштырдылар, дәһшәтле Бөек Ватан сугышы чорларында ватандашларыбызның фронттагы һәм тылдагы батырлыклары турында тикшеренү эшләренең нәтиҗәләре белән таныштылар. Бөек Җиңүнең 70 еллыгын каршылау буенча оештырылган чараларда музей эшчәнлегенең әһәмияте турында ассызыклап әйтергә мөмкин.

"Оста куллар" түгәренә йөрүчеләр, Бөек Җиңүнең 70 еллыгына багышлап, әби-бабайларга бүләе итү өчен сирень чәчәкләре ясадылар. Түгәрәк җитәкчесе- Зарипова Зилия Васыловна

1 апрель-кошлар көне уңаеннан Ташкич башлангыч мәктәбендә рәсем  һәм шигырь  конкурсы үткәрелде.Максатыбыз-өйрәнелгән  шигырьләр аша  укучыларыбызда табигатьнең матурлыгын күрә белү,аның табигый байлыкларына һәм  тереклек ияләренә карата сакчыл һәм игътибарлы караш тәрбияләү иде.

Кошлар көне уңаеннан  Починок-Поник башлангыч мәктәбендә викторина һәм рәсем конкурсы оештырдык. Укучыбыз Закиров Нәркис үзе ясаган кош оясын  мәктәп территориясендәге агачка беркетте. Табигатькә карата сакчыл караш һәм үз туган төбәгеңне ярату хисләре тәрбияләү кече яшьтән үк булганда гына, экологик тәрбияле шәхес үстерергә мөмкин.

Биология дәресләрендә алган белемнәрен туплап, укучылар Кошлар көне уңаеннан стена газеталары чыгардылар. Үзләренә кызыклы мәгълүматлар алдылар. Кошлар - безнең канатлы дусларыбыз, аларны саклыйк һәм аларга ярдәм итик!

Химия,биология,география атналыгы барышында үткәрелгән викторина,табышмаклар конкурсында  актив катнашып беренче урынны алган 6 сыйныф укучылыры Мәҗитова Гөлнур,Мәҗитова Гөлнар,7 сыйныф Тимершаехова Язилә,8 сыйныф укучысы Әхмәдиева Динәне җиңүләре белән котлыйбыз. Викторинаны оештыручылар-биология укытучысы Равилә Мөхәмәдиева һәм география укытучысы Солтания Закирова.