Команда Юных инспекторов движения  приняли активное участие в конкурсе "Безопасное колесо - 2013"

     Агач – табигатьнең бик матур һәм файдалы хәзинәсе. Кеше ел саен бер генә агач утыртса да, күпме файда китерүен аңлый микән? Юкка гына халык: «Бер агачтан унау үскән, ун агачтан урман үскән»,- димәгән бит.

  Безнең мәктәптә  дә агач утыртуга зур игътибар бирелә. Һәрбер класс бу эшкә бик теләп катнашты. Туган авылыбызны яшелләндерүгә, матурлауга  зур өлеш керттек.

Кадерле сугыш ветераннары һәм тыл хезмәтчәннәре! Солдат тол хатын-кызлары! Хөрмәтле ватандашлар!

  Сезгә Бөек Ватан сугышында җиңүнең 68 еллыгы уңаеннан ихлас котлауларыбызны юллыйбыз.
Сез батырлыгыгыз белән безгә якты Җиңү көнен бүләк иттегез. Дошман җимергән Ватаныбызны аякка бастырдыгыз.
Бөек Җиңү көнендә ата-бабалар, Бөек Ватан сугышында катнашучылар, кораллы көчләр ветераннары алдында баш иябез. Алар илебезне явыз дошманнан саклап калды.
Бәйрәм көнендә халыкның сугыш елларында күрсәткән батырлык һәм фидакарь хезмәтләрен горурланып искә алабыз. Халык тылда да тырышып эшләде, фронтны сугыш кирәк-яраклары, туклану ризыклары белән тәэмин итте. Хезмәт җиңүе өчен зур рәхмәт.
Һәлак булганнарның исемнәре мәңге хәтердә сакланыр. Сугыш кырларынннан әйләнеп кайтканнар сөйләгәннәр – һәммәбез өчен дә изге. Якыннарыбызга карата булган рәхмәт һәм кайгырту хисләре беркайчан сүрелмәсен.
Сезгә нык сәламәтлек, күңел көрлеге, озын, якты тормыш юлдаш булсын.
Җиңү көне белән!

7 нче май көнне район күләмендә татар теле укытучыларының иҗади бәйгесе үтте. Бенең мәктәптән татар теле һәм әдәбияты укытучысы Нәгыймова Равилә Рәфкатовна уңышлы чыгыш ясады. Без аны чын күңелдән котлыйбыз!

  24 нче апрель көнне Арча укучылар сараенда “Табигать балалары” республика конкурсына йомгак ясалды. 7 нче класс укучысы Шәймәрдәнова Сиринә “фотокүзәтү” юнәлешендә III урынга лаек булды һәм диплом белән бүләкләнде (җитәкчесе: югары категорияле география укытучысы Сәгыйдуллина Ч. Р.).

 19 нчы апрель көнне Яңа Кырлай урта мәктәбендә Габдулла Тукайның иҗади мирасын өйрәнүгә багышланган III республика фәнни-тикшеренү эшләре конкурсының йомгаклау этабы үтте. 8 нче класс укучысы Галиәхмәтова Чулпан “Туган ягым әдибе” юнәлешендә эзләнү эше башкарып, “Мөхәммәт Мәһдиевнең язучылык “кодрәтен” ачуда туган як табигате” дигән темага чыгыш ясады һәм III урынга лаек булып, диплом белән бүләкләнде (җитәкчесе: югары категорияле география укытучысы Сәгыйдуллина Ч. Р.). 

    Бүген космонавтика көне уңаеннан мәктәбебездә 5 - 7 класс укучылары тарафыннан әзерләнгән  "Галәм киңлекләренә сәяхәт" дип исемләнгән сбор үтте. Варислар шулай ук  үзләренең инглиз теленнән алган  белем - күнекмәләрен кулланып, карлыгачларны  һәм өлкән класс укучыларын кызыклы уеннарга чакырды.    

  Бөек шагыйребез Г.Тукайга багышланган "Теле барның иле бар" дип исемләнгән  шигырь укучылар бәйгесендә 6 нчы сыйныф укучысы Габидуллин Динис җиңүче исеменә лаек булды. Аны бу уңышы белән котлыйбыз! (Җитәкчесе Нәгыймова Р.Р.)

Мәктәбебез укучылары канатлы дусларыбызны каршыларга әзерләнәләр.

Ученики 4-5 классов участвовали в Всероссийском интеллектуальном конкурсе "Мозаика" и получили сертификат.