Бүген мәктәптә Ачык ишекләр көне үткәрелде. Баласының укуына битараф булмаган һәркем бүген мәктәпкә килде, баласының дәресенә кереп утырып аның дәрестә катнашу дәрәҗәсен, белемен ачыклады, үзенә нәтиҗәләр ясады. Класс җитәкчеләре һәм предмет укытучылары тарафыннан югары дәрәҗәдә оештырылган дәресләр тәкъдим ителде. Аннан соң актлар залында ата-аналар  җыелышы узды. Укыту-тәрбия эшләре буенча директор урынбасары Фатхрахманова Л.Ш. мәктәптәге укыту -тәрбия процессы белән таныштырды, әти-әниләргә үзенең төпле киңәшләрен бирде. Тәрбия эшләре буенча директор урынбасары Самигуллина Ч.М. әти-әниләрне грипптан саклану чаралары белән таныштырды, дуңгыз гриппы турында видеоролик тәкъдим ителде. Мәктәп директоры Шаймарданова Р.Г. мәктәп яңалыклары, тормышы белән таныштырды, ашханәдә туклану мәсьәләсе буенча сөйләшү узды. Әлеге очрашу укытучылар өчен дә, әти-әниләр өчен дә файдалы булды.