Бүген мәктәбебездә 1-9 класс укучылары арасында Бөек Җүңүнең 70 еллыгына багышланган чаңгы ярышы үткәрелде. Теләге булган һәркем чаңгыга басты. Укучылар җитезлектә, чыдамлыкта үзара көч сынаштылар. 1-4 класслар арасында Хусаинов Илназ  1 урын, 5-6 класслар арасында Шакиров Илназ, Сайфуллина Динә 1 урын, 7-9 класс укучылары арасында Шарафиев Илназ, Саттарова Наилә 1 урыннарны яуладылар. Укучыларны җиңүләре белән котлыйбыз!

Балаларда хезмәткә мәхәббәт тәрбияләү - әхлак тәрбиясенең аерылгысыз  өлеше. Шул максаттан бүген һәр класста генераль җыештырулар үткәрелде. 1-3 класс укучыларына бу чара бик ошады. Класслар ялт итте...

8 февральдә  Арча стадионында үткәрелгән "Лыжня Татарстана -2015" чаңгы ярышында безнең мәктәп укучылары да актив катнаштылар. 7-12 яшьлек малайлар арасында 1 км арада Шакиров Илназ -  2 урын, 12-15 яшьлек кызлар арасында Сайфуллина Динә - 2 урын, Фазлиева Илүзә - 3 урын, 12-15 яшьлек егетләр арасында Шарафиев Илназ  - 1 урын, Хусаинов Илнар -  2 урын, 15-18 яшьлек кызлар арасында Саттарова Наилә - 1 урын, Мукаева Ландыш - 2 урыннарны алдылар. Аларның тренерлары Ситдиков А.Г.  үз яшь категориясендә 1 км арада шуып 3 урын яулады. Команда һәм аның тренерын зур җиңүләре белән котлыйбыз, яңа  җиңүләр теләп калабыз!

"Көрәш ул сабантуйларыңда кулыңа тастымал урап кемнәрнеңдер биленнән алу гына түгел. Тормыш өзлексез көрәштән гыйбарәт..." - дип яза Ф.Яруллин "Җилкәннәр җилдә сынала" әсәрендә. 7  нче класс укучылары класс сәгатендә әлеге әсәр турында фикер алыштылылар. Фәнис Яруллин батырлыгына сокландылар.

   Бүген безгә  авылдашыбыз - Татарстанның атказанган мәдәният хезмәткәре,  Татарстан Республикасы  Министрлар Кабинетының  Баш архив идарәсе башлыгы - Ибраһимов Данил Исмәгыйль улы, аның апасы Сүрия ханым, абыйсы Шамил әфәнделәр кунакка килделәр. Данил Исмәгыйлевич белән очрашуга аның класс җитәкчесе - Татарстанның атказанган укытучысы Хасанова Рәшидә Фәйзрахман кызы да чакырылды.  Данил әфәнде 1972-1982 елларда-Казан шәһәре мәдәният сарайларында концертмейстер, 1982-1993 елларда-ТАССР Дәүләт радиосында диктор, бүлек мөдире, 1993-2005 елларда - ТР Министрлар Кабинеты мәдәният, сәнгать һәм спорт бүлегендә әйдәп баручы һәм баш референт булып эшли.

Бөек Җиңүнең 70 еллыгына әзерлек кысаларында сугыш чоры балалары  һәм тыл ветераннары белән очрашулар дәвам итә. Бүген укучылар Иске Кырлай авылында гомер итүче Рәхимбаева Рәмлә Фәхретдин кызында кунакта булдылар. Рәмлә апа укучыларга тылдагы хезмәте, сугыш чорының авырлыгы турындагы хатирәләрен сөйләде.

Бүген 3 нче февраль көнне 1 нче класс укучылары арасында "Иң матур язучы укучы" конкурсы үткәрелде. Нәтиҗәләрдән күренгәнчә, Низаметдинов Кәрим беренче урынны алды. Аның дәфтәрләре чиста, пөхтә, язуы бик матур. Үрнәк алыгыз!

Мәктәп күләмендә февраль ае -  Хәрби -патриотик айлык дип игълан ителде.

Китапханәдә Бөек Җиңүнең 70 еллыгына багышланган күргәзмә белән укучылар һәрдаим танышып торалар. Күргәзмәдә тыл ветераннары, сугыш чоры балалары  истәлекләре, сугыш ветераны Камалов Әнвәр Галәветдин улының тормыш юлы, герой пионерлар турында төзелгән альбомнар, сугыш тематикасына язылган әсәрләрне күреп була.

Бүген 9 класс укучылары Әтнә авыл хуҗалыгы техникумы белгечләре белән очраштылар. Татар теле һәм әдәбияты укытучысы Насыйрова З.Ш. һәм спец. дисциплина укытучысы Сәетханова Ф.Г. уку йорты белән таныштырып, укырга керү тәртибен аңлаттылар.