Арча төбәге үзенең бөек шәхесләре белән еракларга билгеле.Казан арты күңелләргә илһам,көч биреп тора.Аңлашыла ки ,безнең төбәктән йөзләгән  мәгърифәтче,әдәбият,сәнгать эшлеклеләре чыккан бит.Алар арасыннан Шамил Әхмәтҗанов,Сания Әхмәтҗанова ,Фәнис Җиһанша исемнәре безнең өчен аеруча якын,кадерле.Чөнки алар безенең горурлыгыбыз-авылдашларыбыз! Шамил Әхмәтҗанов җырларын тыңлап моңланабыз, Фәнис Җиһанша уйнаган рольләр безне елата да,көлдерә дә,уйландыра да .Ә инде Сания Әхмәтҗанова шигырьләре безне тылсымлы мәхәббәт дөньясына алып керә. Аның шигырьләреннән җылылык та,мөгалимнәрчә сабырлык та, туган якка мәхәббәт тә бөркелә.24 нче апрель көнне 6 сыйныфта Сания Әхмәтҗанованың тормышы һәм иҗаты белән таныштыру максатыннан сыйныф сәгате үткәрелде.Әлеге тәрбия дәресе  2021 ел – туган телләр һәм халыклар бердәмлеге елы уңаеннан оештырылды.Чарада 6 укучы катнашты.Дәрестә укучылар Сания Әхмәтҗанованың тормыш юлы ,иҗаты белән таныштылар,аның язган шигырьләрен укыдылар.