22 нче апрель көнне 1,3 класс укучылары өчен   “ Габдулла Тукай – безнең күңелләрдә” дип аталган класс сәгате үткәрелде. Тәрбия сәгатенең максаты: Габдулла Тукай иҗаты белән таныштыру. Тукайның әсәрләренә, туган телебез мәдәниятенә, сәнгатенә мәхәббәт тәрбияләү.   Габдулла Тукайга карата күргәзмә оештырдылар. Мәктәп күргәзмәсе белән таныштылар. Г. Тукай дөньяда бары тик 27 ел гына яшәгән, бары 8 ел гына иҗат иткән. Шулай булса да, ул гаять зур, бәя биреп бетерә алмаслык рухи байлык калдырган. Аның тормышы һәм иҗаты – халкыбыз тарихында иң якты, иң изге сәхифәләрнең берсе. Г. Тукай безгә бик зур байлык – шигырьләр, җырлар, әкиятләр, хикәяләр язып калдырган. Аның балачагы бик авыр булган, ул кечкенәдән ятим калып, төрле гаиләләрдә тәрбияләнеп үскән. Ул яшәгән урыннарны гына күздән кичерсәң дә, дистәгә якынлаша: Кушлавыч, Өчиле, Сосна, Кырлай, Җаек…