Язның иң матур бер көнендә, карлар эреп, бозлар агып киткәч, агач һәм куакларда хуш исле бөреләр уянган чакта яраткан шагыйребез Габдулла Тукай туган. Г.Тукай дөньяда бары тик 27 ел гына яшәгән, бары 8 ел гына иҗат иткән. Шулай булса да, ул гаять зур, бәя биреп бетерә алмаслык рухи байлык калдырган. Аның тормышы һәм иҗаты – халкыбыз тарихында иң якты, иң изге сәхифәләрнең берсе.  Г. Тукай безгә бик зур байлык – шигырьләр, җырлар, әкиятләр, хикәяләр язып калдырган. 20 нче апрель көнне 6 нчы сыйныфта “Безнең куңелләрдә син,Тукай!” дип аталган тәрбия сәгате үткәрелде. Дәрестә укучылар Г.Тукайның иҗаты,тормыш юлы белән якыннанрак таныштылар,аның әсәрләрен укыдылар,яттан сөйләделәр.Дәреснең максаты: балаларда Габдулла Тукайның әсәрләренә, татар теленә, туган телгә, мәдәнияткә, сәнгатькә мәхәббәт тәрбияләү.