Башлангыч сыйныф укучылары  бүген Курса Почмак авылы китапханәчесе Мотыйгуллина Вәсилә Илгиз кызы белән очрашты. Вәсилә Илгиз кызы укучыларга бик эчтәлекле китаплар тәкъдим итте. Эчтәлеге буенча әңгәмә корды. Аннары укучылар белән этикет турында тәрбия чарасы үткәрде. Этикет – һәр очракта үз – үзеңне ничек тотарга кирәклекне билгели торган махсус кагыйдәләр. Этикет кешенең башкалар белән аралашу юлларын, кешенең тышкы кыяфәтен, үз – үзен тоту алымын ачыклый. Кешенең үз – үзен матур итеп тотуы, киенә белүе үзенә күрә этикетка булып санала. Шулай итеп “этикет”, “этикетка” сүзләре төрдәш булып чыга. ... Кайберләребез кагыйдәләрне беләбез, ләкин үтәп бетермибез. Укучылар кунакта, өлкәннәр янында , өстәл артында, транспортта үз-үзеңне тоту кагыйдәләрен исәк төшереп үттеләр. Үзләре төрле очракта сынап карадылар. Бик файдалы , җылы очрашу булды.