Яшь буынны халкыбызның рухи һәм мәдәни хәзинәләре нигезендә тәрбияләү, балаларда милли үзаң формалаштыру һәм шуның аша туган телен, халкын ихтирам итүче, аның тарихын өйрәнүгә, үстерүгә сәләтле, рухи-әхлакый һәм белем дәрәҗәсе ягыннан камил, киң карашлы патриот шәхес тәрбияләү – безнең төп бурычыбыз. Ә кем соң ул патриот? Патриот – ул үз илен, туган җирен, халкын, аның гореф – гадәтләрен, милли традицияләрен хөрмәт итүче, аны яратучы шәхес . Балаларны әнә шундый патриотлар итеп тәрбияләүдә нинди үтемле чаралар кулланырга соң? Әлеге мәсьәләне хәл итеп, Арча районы хәрби комиссариаты һәм Мәгариф идарәсе мәктәпнең 10 нчы сыйныф егетләре өчен "Кыр сборы" чарасын онлайн формада уздырды. Бу чарада безнең мәктәп егетләре ТИН укытучысы Хасанов Х.Х. җитәкчелегендә бик  теләп катнаштылар. Хәрби әзерлек өчен үткәрелгән күнегүләр, спорт уеннары, үз-үзеңне карау, тәрбияләү һ.б. - болар барысы да егетләребезне нык, көчле рухлы, сабыр, көчле, һәркайда батыр  булырга өйрәтә. 

<span times="" new="" roman',="" times,="" serif;="" background-color:="" rgb(255,="" 255,="" 255);"="">    Тормышта һәрчак батырлыкка урын бар, тик аңа юл үзеңдә бурычлылык хисе, сәяси өлгергәнлек, җаваплылык, әхлакый тотрыклылык тәрбияләү аша үтә. В.А.Сухомлинский “Батырлык һәм тәвәккәллек – ул әхлаклылык һәм ихтыяр көче, алар һәр кешегә билгеле бер очракта гына түгел, ә көндәлек  тормышта, эштә дә кирәк”. – дип язган.  Кешенең героик характеры үзендәге начар сыйфатларны җиңүдән башлана.