Бу өлкәдә ниндидер уңышларга ирешергә телисең икән, иренмәскә, үҗәт булырга һәм сәламәт яшәү рәвеше алып барырга кирәк. Сәламәт яшәү дөрес туклану, саф һавада йөрү, алкоголь кулланмау, физик эш белән шөгыльләнү, көн саен күнекмәләр ясау, үзеңне чыныктыру белән генә чикләнми. Бу, иң беренче чиратта, ихтыяр көчең булу, авырлыклар алдында югалып калмау. Шул кагыйдәләр үтәлгән очракта гына спортта тиешле нәтиҗәләргә ирешергә мөмкин. Мәктәбебездә татарча көрәш белән шөгыльләнүче егетләребез байтак. Көрәшче егетләребез ярышларның барысында  да катнашып киләләр. 7 нче декабрь көнне Наласа авылында уздырылган ярышта Гиззатуллин Э., Ахмадеев Д. катнаштылар . Тренерлары Ахмадеев М.Г. ны, Ахмадеев Дилүсне 2 урын алуы белән котлыйбыз, уңышлар теләп калабыз.