Дәрестән тыш тәрбия эше алып бару - балаларга төп белем бирүнең, аларны шәхес буларак үстерүнең аерылгысыз бер өлеше. Класстан тыш эшләр - исеменнән үк күренгәнчә -  дәрес кысаларына бикләнмәгән, әмма шул ук вакытта балаларның белемен дә, зиһенен дә үстерә торган, аларның гамәли шөгыльләренә, зәвыкларына, сәләт мөмкинлекләренә уңай тәэсир иткән, әлеге файдалы чараларның һәммәсен ял һәм төрле уеннар белән бергә бик тә оста бәйли алган тәрбия чарасы. Спорт сарайлары, китапханәләр, балалар һәм яшүсмерләрнең ял вакытларын оештыруга бәйле башка төр культура учаклары ярдәмен файдалану мөмкинлеге хакында инде әйтеп-сөйләп тору да артык булыр иде. Мондый чаралар районыбызда бик еш була. Мәктәбебез укучылары районда уздырылган "Көзге фьюжн" бию проектында катнашып, 2 урын алдылар. Укучыларыбыз Шамсутдинова Д, Самигуллина Г., Фаттахов А., Валиев Р., җитәкчеләре  Гөмәрова А.Д. ны котлыйбыз, уңышлар теләп калабыз.