Без авылда яшибез. Авылда да юлларыбыздан югары тизлектә бик күп машиналар җилдерә. Урамнарның һәм юлларның бик җитди законы бар. Ул "Юл йөрү кагыйдәләре" дип атала. Ул җәяүленең юлда дөрес йөрмәгәнен кичерми. Бу закон бик җитди, чөнки ул кешеләрне бәладән сакларга булыша. Шул максатларны күз уңында тотып,  10 сыйныф кызлары башлангыч сыйныфлар өчен "Юл йөрү билгеләре" исеме астында класс сәгате уздырдылар. Светофорның ни өчен кирәклеген,юл билгеләрен, яктырткыч элементлар турында искә төшерделәр. "Билгеләрне сайлап ал", "Кем җитезрәк" уеннарын уйнадылар, шаян сорауларга җавап бирделәр. 

Юл йөрү кагыйдәләрен төгәл үтәп йөрсәгез,

Юл чатында басып торган светофорны күрсәгез,

Шул чагында бәла-каза сезне читләтеп үтәр.

Кара кайгы, күз яшьләре сездән мәңгегә китәр.