Безнең төп бурычыбыз- баланың табигать тарафыннан бирелгән сәләтен үстереп, аны иҗади шәхес итеп тәрбияләү. Белгәнебезчә, укыту өлкәсендә сәләтле укчыларны табу, аларның эшчәнлеген үстерү – хәзерге көндә төп бурычларның берсе булып тора. Укучыларның сәләтен никадәр тизрәк күрәбез, үстерәбез, уңай шартлар тудырабыз, шул очракта гына көтелгән уңышларга ирешә алабыз. Сәләтле укучылар белән эшләү системасы, хәзерге заман шартларында зур җаваплылык сорый дип әйтергә кирәк. Чөнки сәләт – бары тик дөрес оештырылган эшчәнлектә генә үсә. Һәрбер кеше үзенең мөмкинлекләреннән, үз кызыксынуларыннан чыгып, олы тормыш юлына аяк баса.Һәм шул ук вакытта, ул шуннан чыгып һөнәр сайлый.

       Мәктәбебездә сәләтле укучыларыбыз бар. 8 сыйныф укучысы Ахмадуллина Диана Республикакүләм иҗади эшләр конкурсының ике номинациясендә катнашты. Фотографияләр конкурсында лауреат, иҗади эшләр конкурсында беренче урынны алды. Диананы, укытучысы Гөлназ Илфат кызын котлыйбыз, уңышлар теләп калабыз.