Әфган...Илебез тарихының әрнүле, кайгылы бер бите. Күкләргә тиеп утырган таулар арасында үлем белән күзгә-күз очрашкан язмышлар. Меңләгән үлемнәр күргән, меңләгән алданган һәм җимерелгән хыяллар иле. Авыр булса да бу тарих битен хәтер саклыгы белән ел да ача торабыз. Чөнки онытырга һәм оныттырырга ярамый. 

Бүген мәктәбебездә Әфган сугышы ветераны Фәсхиев Гали абый белән бик матур, җылы очрашу булып узды. Гали абый үзенең хатирәләре белән уртаклашты. Сизеп тордык-аңа бу елларны кабат искә төшерүе бик авыр иде. Сөйләгәндә аның тамагына төер тыгылды, күзләре яшьләнде. Үзенең тальянында матур итеп көй дә сузды. Очрашу ахырында Гали абый мәктәп коллективына, укучыларга матур теләкләрен җиткерде, рәхмәт әйтте.