Бүген мәктәбебездә татар халкының милли бәйрәме - "Нәүрүз бәйрәме" үтте. Нәүрүз - халыкның кышны озатуы, язны каршылау бәйрәме. Бу бәйрәм борынгыдан ук килгән. Нәүрүз бәйрәме көнне балалар йорттан йортка кереп, Нәүрүз такмагын әйтеп, хуҗаларга бәхет, уңышлар теләгәннәр. Хуҗалар ботка өчен ярма, йомырка, май биргән. Безнең мәктәптә дә бу бәйрәм ел саен үткәрелә.Бәйрәм Нәүрүз көненең тарихын искә төшерү белән башланды. Нәүрүзбикәнең монда килүе ямь өстәде. Укучылар директорыбыз Гөлназ Муллануровнаны тиз танып алды, сокланып карап тордылар. Аның артыннан Кыш бабай килде. Ерактан килмәгән, үзебезнең хезмәткәребез Эльвира Мәгфуровна булып чыкты ул! Бәйрәмебез мәктәп ишегалдында милли уеннар белән дәвам итте. Бигрәк тә укучыларыбыз актив катнаштылар. Кыш бабай белән Нәүрүзбикә дә уртак тел табып, бергә күңел ачтылар. Ә иң көтеп алганы, мөгаен, коймак белән чәй эчү булгандыр.Җиңелүче булмады, һәркемнең йөзендә елмаю, канәгатьләнү хисе чагылды. Шатланырга сәбәп бар: иң озын - III чирекне , ниһаять, тәмамладык, каникулга таралышабыз бит!