Пешәңгер күпфункцияле үзәктә Әниләр көне уңаеннан мәктәп-бакча коллективы, балалары, әти-әниләре тарафыннан бәйрәм концерты гөрләде. Сәхнәгә җыелганнарга җылы хисләр бүләк итү өчен төрле яшьтәге җырчыларыбыз һәм биючеләр чыкты. Чара ахырында Апаз авыл җирлеге башлыгы Раушан Фарадисович җылы, ихлас теләкләрен җиткерде. Әни! Бу сүздә күпме наз, җылылык, сөю һәм серле көч! Әни – һәркем өчен дә иң кадерле, иң сөйкемле зат ул. Әни күзләре... алар шундый мөлаем һәм ягымлы! Әнкәйнең куллары – иң йомшак, иң җылы, иң кадерле куллар! Шул куллар кагылуга, башыңнан бер сыйпауга, бөтен кайгыларың югала. Әнкәй сүзләре... Алар шундый акыллы, шундый татлы, туң йөрәкләрне эретерлек җылы!