1-4 июль көннәрендә Мамадыш шәһәрендә 9 нчы тапкыр Татарстанның авыл яшьләре арасында спорт уеннары булып узды. Бу ярышларда Арча педагогия көллияте командалары волейбол, җинел атлетика, бадминтон, өстәл теннисы, туризм һәм билбау көрәше буенча район командасы составында чыгыш ясадылар. Арча районы 43 команда арасында 8 нче урында. Җинел атлетика ярышларында кызлар 800 һәм 1500 м, ә егетләр 1500 һәм 3000 м араларда көч сынаштылар. Ахыргы төр 4 тапкыр 400 м арада эстафета ярышлары уздырылды. Команда составында Илнур Әһлиуллин (1500-4.39, 3000-10.18), Азамат Һидиятуллин (1500-4.46, 3000-10.10), Гузәл Зиятдинова (800-2.51, 1500-6.09) һәм Регина Гаранина (800-3.00, 1500-6.04) чыгыш ясадылар. Эстафета ярышларында командабыз 4 мин. 37 секунд вакыт белән 4 нче урында.

Б.К.Бакиров, көллиятнең физик тәрбия җитәкчесе.