24 декабрь көнне Арча педагогия көллиятендә яңа – 2015 елга багышланган җиңел атлетика эстафета ярышлары булып узды. Бу ярышларда һәр уку группасыннан 8 кешедән торган командалар катнашты. 120-шәр метрдан торган 8 этап арасында иң яхшы вакытны 3 «Г» һәм 4 «Г» группалары кызлары күрсәтте. Команданың капитаны Гөлгенә Гиззатова. Икенче, өченче урыннарда 1-нче курсның «А» һәм икенче курсның «Г» группалары. Егетләр арасында кискен көрәш шартларында 3-нче курсның «Г» группасы егетләре җиңү яулады. Команданың капитаны Илнур Әһлиуллин, икенче урында 4 «Г» группасының беренче, ә өченче урында шул ук группаның икенче командасы. Җиңүчеләргә Кыш бабай буләкләре тапшырылды.

Б.К. Бакиров. көллиятнең физик тәрбия җитәкчесе.