15-16 май көннәрендә Казанда Татарстанның урта уку йортлары командалары арасында җиңел атлетика буенча ярышлар булып узды. Бу ярышлар манежда, яхшы шартларда уздырылды. Арча педагогия көллияте спортчылары елдагыча уңышлы чыгыш ясадылар һәм югары нәтиҗәләр күрсәттеләр. Илнур Аһлиуллин 3000 м. араны 9 мин. 56 секунд вакытта узып 4 нче, Рания Хаматдинова 1500 м. араны 5 мин. 44 секунд белән 3 нче, Фирдүс Тухватуллин 170 см. нәтиҗә белән биеклеккә сикерүдә 4 нче, Айзилә Галимуллина 800 м. арада 2 мин. 43 секунд вакыт белән һәм Ильшан Вафин озынлыкка сикерүдә 5 м. 77 см. нәтиҗә белән 6 нчы, Булат Шәйхелисламов ядро этүдә 10 м. 21 см., Ранил Камалиев 100 м. арада 11.8 секунд, Гүзәл Сабирова 100 м. арада 14.07 секунд, Руслан Исмәгыйлов 400 м. арада 54.47 секунд, Гүзәл Зиятдинова 1500 м. арада 5 мин. 44 секунд вакыт белән 8,9 нчы нәтиҗәләрне күрсәттеләр. 4 тапкыр 100 м. арада эстафета ярышларында егетләребез 3 нче, ә кызлар 5 нче урыннарны биләделәр. Нәтиҗәдә команда ара беренчелектә Арча педагогия көллияте җиңү яулады. Командага Татарстанның яшьләр белән эш һәм спорт министрлыгының бүләкләре тапшырылды.

                                                                               Б.К. Бакиров

                                                                              Көллиятнең физик

                                                                              тәрбия җитәкчесе.