19 нчы Апрель көнне Арча педагогия көллиятендэ  Габдулла Тукайның тууына 128 ел тулуга  багышланган җинел атлетика буенча эстафета булып узды. Ярышларны көллият директоры Гөлнара Фидаил кызы Гарипова ачып җибәрде  һәм узенең  теләкләрен юллады.

Бу ярышларда уку группаларыннан кызлар һәм егетлэр командылары 2120 метр араны 8 этапка бүлеп көч сынаштылар.

Кызлар командылары арасында  икенче курсның «В» группасы кызлары иң җитезләр икәнлекләрен күрсәттеләр, йөгерү арасын 6 минут 10 секунд вакыт өчендә узып , беренче урынны яуладылар. Группаның җитәкчесе Гөлнара Ильдар кызы Хабибуллина . Икенче, өченче урыннарда беренче курсның «А» һәм «Г» группалары (6.30 һәм 06.33)

Егетләр арасында кискен көрәш 2 нче һәм 3 нче курсның «Г» группаларының беренче командылары арасында барды. 3 нче курсның «Г» группасының беренче командасы 1 секунд аерма белән җинү яулады. Команда составында Ильшат Вафин, Руслан Исмагилов, Ранис Таштиев, Алмаз Тимергалиев, Сергей Шишкин, Булат Шайхелисламов, Раниль Камалиев чыгыш ясадылар. Икенче урында 2 нче курс «Г» группасының беренче командасы, өченче урында  3 «Г» группасының икенче  командасы.

Шушы ук көнне эстафета йөгерүләре арасында егетлэр 3 км. арада көч сынаштылар. Иң яхшы нәтиҗәне Адель Музипов күрсәтте ( 10 мин. 56 секунд). Икенче урында Азамат Идиятуллин (11.25, 00) , өченче урында Руслан Исмагилов ( 11.36,00).

Җинүчеләргә районыбызның  яшьләр белән эш  һәм спорт бүлегенең һәм педагогия көллияте админстрациясенең бүләкләре тапшырылды. Ярышларда  220  кеше  катнашты.

                                                                                        Б.К. Бакиров көллиятнең физик

                                                                                        тәрбия җитәкчесе.