Күптәнге матур традицияне дәвам итеп, без үзебезнең хөрмәтле ветераннарыбызга Өлкәннәр көне декадасы кысаларында чын бәйрәм ясадык – халкыбызның тарихи Ватаны – бөек Болгар каласына экскурсия оештырдык. Яңа уңайлы автобуста озын юл да авыр булмады. Ә инде Болгар җиренә аяк баскач,без дөньяларыбызны  онытып, экскурсоводны  тыңлап,андагы тарихи һәйкәлләрне карап хозурландык. Ак мәчет ,Икмәк музее, борынгы мунча безне ерак бабаларыбыз яшәгән елларга кайтарды.Бу сәяхәт соңгысы булмасын,барыгыз да исән-имин булыгыз!