Нәүрүз – кар беткәнче үк елмаеп балкып, кышкы йокыдан соң җиһанда тереклек башлануын хәбәр итүче язның тәүге чәчкәсе. 19 гасырга кадәр 21 март, көн белән төн тигезләшкән көнне Яңа  елны каршы алганнар. Ә бәйрәмнең хуҗасы – яшьлек, сафлык иясе сылу кыз – Нәүрүзбикә һәм ул җиргә яз алып килә дигән ышану булган.

Борынгы йолаларны яңарту, киләчәк буынга тапшыру ниятеннән Г.Тукай исемендәге Арча педагогия көллиятебездә  23 мартта “Нәүрүзбикә – 2021” бәйрәме - бәйгесе оештырылды.  Бәйге  1 нче курс кызлары арасында, аларның сәләтен барлау, татар халкының милли йолалары белән таныштыру, максатыннан уздырылды.

Нәүрүзбикә – 2021 исемен яулау өчен, уңган-булган, алты сылу кыз санаулы минутлар эчендә үзләренең осталыкларын күрсәтеп калырга ашыкты. Кызларның үзенчәлекле итеп үз-үзләре белән таныштыру, җыр-бию башкару, үз куллары белән пешереп алып килгән милли ризыклар тәкъдим итү дисеңме, кызларның чәчен үрү, халык мәкальләре  - барысын да үз эченә алган бәйге.

 Салихова Ләйлә Ильфатовна җитәкчелегендәге “Татар халык җәүһәрләре” фольклор төркеме, Зарипова Гузель Марсельевна җитәкчелегендәге “Ай&Su” кызлар вокаль ансамбеле,  Яруллина Гульназ Азатовна җитәкчелегендәге “Язгол” кызлар вокаль ансамбеле, Маликова Лилия Миннеахатовна  җитәкчелегендәге “Талисман” бию төркеме, шулай ук вокал укытучысы  Хайдарзянова Диляра Галимовна  һәм көллият студентларының сәхнәдәге чыгышлары бәйгене тагын ямьләндерде.  

“Нәүрүзбикә – 2021” исемен  121 төркемнән  Гарифуллина Айзилә, класс җитәкчесе  – Гилязова А.Д. яулады.

Салахетдинова Э. - 141 төркеме, класс җитәкчесе Маликова Л.М.,  “Иң уңган Нәүрүзбикә”;   Мухаметзянова А. - 112 төркеме, класс җитәкчесе Нуриева М.А., “Иң тапкыр кыз”;  Шигапова  А.  – 133 төркеме, класс җитәкчесе – Тухфатуллина А.Г., “Иң зәвыклы кыз”; Исламова А. 132 төркеме, класс җитәкчесе – Нуретдинова Г.Н. “Зифа буй”; Зиятдинова Р. 141 төркеме класс җитәкчесе – Кашапова Л.М., “Тыйнаклык алиҺәсе” номинацияләренә ия булдылар.