Нәүрүз бәйрәме. Борынгы йолаларны яңарту, киләчәк буынга тапшыру ниятеннән Г.Тукай исемендәге Арча педагогия көллиятендә эшләп килүче “Татар халык җәүһәрләре” түгәрәгендә шөгелләнүче егетләр һәм кызлар, быел да Нәүрүз бәйрәмен билгеләп үттеләр. Нәүрүз бәйрәмендә егетләр, кызлар татар халкының җырлы-биюле, әйлән-бәйлән уеннарында катнашып, халык мәкальләре, әйтемнәр, табышмаклар әйтешеп, түгәрәк-уенда тапкырлыкларын, җитезлекләрен сынадылар, җырга, биюгә осталыкларын күрсәттеләр. Яна язлар илебезгә тынычлык, шатлык куанычлы бик күп көннәр алып килсен, Нәүрүз мөбәрәк булсын!