15нче март көнне Арчада Советлар Союзы герое Гани Сафиуллин истәлегенә багышланган ярышлар булып узды. Бу ярышларда Арча педагогия көллияте командасы да катнашты. 15км арада йөгерүдә беренче, икенче урыннарны- 1 курстан Татьяна Иванова һәм 2 курстан Алия Сафина яуладылар.

Егетләр арасында 20км арада йөгерүдә Руслан Исмагилов (3Г группасы) икенче, ә Рифат Гайнетдинов (2А группасы) өченче нәтиҗәләрне күрсәттеләр.

15нче март көнне Тәтеш шәһәрендә Татарстанның урта уку йортлары студентлары арасында баскетбол лигасының зона ярышлары булып узды. Бу ярышларда Арча педагогия көллияте, Буа ветеренария техникумы, Тәтеш авыл-хуҗалыгы техникумы һәм Тәтеш педагогия көллияте командалары катнашты.

11нче март көнне Арча педагогия көллиятендә “Ягез әле, кызлар!” бәйгесе уздырылды. Бәйге Сочидагы Олимпия уеннарына багышланып “Мисс спорт- 2014” исеме астында узды. Бәйгедә катнашучылар 4 төрдә көч сынаштылар. Урыннан торып озынлыкка сикерү, 1 минут вакыт эчендә гәүдәне төшерү һәм күтәрү, 300м. арага йөгерү, баскетбол тубын алып барып кәрзингә ташлау. Барлык төрләрдә уңышлы чыгыш ясап иң аз урыннар суммасын Алина Игнатьева күрсәтте һәм беренче урынны яулады. Икенче урында Гөлүсә Гилметдинова, өченче урында Гөлия Гәлиахметова.

27 -28 февраль көннәрендә Казанда Татарстанның урта уку йортлары арасында чаңгы ярышлары булып узды. Бу ярышларда кызлар 3 км; ә егетләр 5 км арасында көч сынаштылар. Спортчылар беренче көнне классик ысул белән, икенче көнне ирекле ысул кулландылар. Бу ярышларда Арча педагогия көллияте командасы да катнашты, һәм һәр елдагыча уңышлы чыгыш ясады. Команда ара беренчелектә икенче урын. Команда составында: Алина Игнатьева, Руслан Исмагилов, Александр Борисов, Рифат Гайнетдинов, Данис Кузьмин, Фәнил Галимов чыгыш ясадылар. Ярышларга команданы Ленар Госман улы Заһидуллин әзерләде.

   Көллиятнең физик тәрбия җитәкчесе: Б.К.Бакиров.

25 нче февраль көнне Арча педагогия көллиятендә “Ягез әле егетләр бәйгесе уздырылды.” Көллияттә укучы барлык егетләрдә нинди спорт төре белән шөгелләнүенә карап 5 командага бүленде.

“Аргамак”-җиңел атлетика

“Ак-Барс”-чаңгы,гир

“Арслан”-баскетбол,бокс

“Бөркет”-туризм,футбол

“Лачын”-Волейбол

17 февральдә 2 курс «В» группасында 1979 нчы елның 25 декабреннән алып 1989 нчы елның 15 февраленә кадәр сузылган гаделсез Афган сугышына багышланган класс сәгате үткәрелде.

16 нчы февраль көнне Арча педагогия көллиятендә ил күләм чаңгычылар көненә багышланган ярышлар булып узды. Бу ярышларда студент кызлар да, егетләр дә кубрәк ара шуып узуда, көч сынаштылар. Кызлар арасында 24 км. ара узып, икенче курстан Кристина Лаврентьева җиңү яулады. Икенче урында Гөлгенә Гиззатова, өченче урында Алсу Мугизова (16 һәм 13,6 км).