23 декабрьдә Арча балалар сәнгать мәктәбендә «Гөслә fest» милли мәдәният фестивале узды. Фестиваль Татарстан Республикасы мәдәният министрлыгының «Туган телләр һәм халыклар бердәмлеге елы» кысаларында «Татарстан Республикасының тел күптөрлелеген саклауга юнәлдерелгән проектларны һәм чараларны гамәлгә ашыруда муниципаль мәдәният учреждениеләренә ярдәм итү» гранты акчасына үткәрелде. Фестивальдә «Татарстан Республикасы мәдәният өлкәсендә инновацияләр кертү һәм традицияләрне саклау ресурс үзәгенең» Стратегик үсеш һәм икътисад буенча директор урынбасары Әнзия Рәфик кызы Закирова, сәнгать фәннәре кандидаты, Татарстан Республикасы атказан сәнгать эшлеклесе, Нәҗип Җиһанов исемендәге Казан дәүләт консерваториясенең татар музыкасы кафедрасы доценты-Макаров Геннадий Михайлович; «Гөсләкәй» җыелма фольклор вокаль-уен кораллары ансамбле, җитәкчеләре Галишина Юлия Фавзиевна, Мөхәммәтҗанова Лилия Хәмидулла кызы, Сәлимова Вера Леонидовна (Тукай муниципаль районы балалар сәнгать мәктәбе); "Орчык" гөсләчеләр ансамбле, җитәкчесе Әсәдуллина Айсылу Айрат кызы (Балтач районы);  «Дубай» гөсләчеләр кече ансамбле, җитәкчесе Шәрифуллин Илшат Габдрәфыйк улы (Саба районы); "Ятаган» фольклор-уен кораллары ансамбле, җитәкчесе Гайнетдинов Альберт Сәлах улы (Арча районы); "Туым җондызы" фольклор коллективы, җитәкчесе Сәмигуллина Римма Ильинична; Мәгъсүмҗанов Гәрәй Габдрахман улы (Мари Эл Республикасы); Архипова Вера Васильевна (Сәрдәбаш) катнашты.