Арча балалар сәнгать мәктәбендә композитор, Татарстан Республикасының һәм Россия Федерациясенең атказанган сәнгать эшлеклесе, Татарстан Республикасының халык артисты Резеда Ахиярова белән очрашу булды. Очрашу диалог формасында узды. Резеда Зәкиевна үзенең иҗат юлы турында сөйләде, катнашучыларның сорауларына бик теләп җавап бирде. Очрашуда балалар сәнгать мәктәбе укучылары һәм укытучылары да актив катнашты. Алар композиторның төрле чорларда иҗат ителгән җырларын башкардылар. Резеда Зәкиевна сәнгать мәктәбенә җыентыклар һәм җырлар аудиодискаларын бүләк итте. Очрашу җылы, дустанә атмосферада узды.