"Туган тел сагында" акциясе кысаларында Иске Иябаш башлангыч мәктәбе укучылары "Табышмак әйтәм-жавабын тап" уен-викторина үткәрделәр. Зирәклектә, тапкырлыкта көчләрен сынаштылар, үзләре дә матур табышмаклар уйлап чыгардылар.

"Туган телем сагында" акциясенә кушылып, бүген мәктәбебездә озайтылган көн группасы җитәкчесе Закирова Гөлгенә һәм китапханәче Мифтахутдинова Фирдания "И туган тел, и матур тел" дип аталган дәрес-викторина уздырдылар. Викторина барышында укучылар "Тапкырлар" һәм "Зирәкләр" командасына бүленеп, тел турында мәкальләр, табышмаклар әйтүдә үзара көч сынаштылар.

Бүген мәктәбебездә тарихи вакыйга булды.Бу эшлекле чарада Арча районы авыл хуҗалыгы һәм азык-төлек идарәсе җитәкчесе Ленар Илсур улы, Мәшгульлек үзәге директоры Гөлфия Мансур кызы, Арча агросәнәгать һөнәри көллияте директоры Зөлфәт Миннефар улы катнашты. Агрокласс укучылары белән уздырылган мастер- класстан соң Арча агросәнәгать һөнәри көллияте белән Г.Тукай исемендәге Яңа Кырлай урта мәктәбе арасында үзара килешүгә кул куелды.

Районыбызда авыл хуҗалыгы белгечләрен югары дәрәҗәдә әзерләүче Арча агросәнәгать көллияте турында белмәгән кеше юктыр. Бүген мәктәбебездә Арча агросәнәгать һөнәри көллияте директоры Зөлфәт Миннефар улы һәм студентлар 9 нчы сыйныф укучылары белән очраштылар.Көллият турында искиткеч бай мәгьлүмат белән Дәүләтбаев Зөлфәт Миннефар улы үзе таныштырды. Студентлар да, бик матур итеп, үзләренең уку йортлары турында сөйләделәр. Очрашу укучылар өчен бик файдалы булды.

Бүген – Халыкара пешекчеләр көне. Әлеге хезмәт ияләрен - хөрмәтле пешекчеләребезне һөнәри бәйрәмнәре белән тәбрик итәбез! Сезгә рух ныклыгы, күңел көрлеге һәм сәламәтлек телибез. Йортларыгызда иминлек, гаиләләрегездә тынычлык, муллык һәм бәхет-шатлыклар хөкем сөрсен.

"Туган телем сагында" акциясе уңаеннан Равил Фәйзуллин иҗатына багышланган класс сәгате уздырылды.Укучылар язучының иҗаты белән таныштылар, туган телгә багышлап язылган шигырьләрен сәнгатьле итеп укыдылар.

Бөтендөнья буенча үткәрелә торган "Татарча диктант" акциясендә Г.Тукай исемендәге Яңа Кырлай урта мәктәбеннән барлыгы 111 укучы һәм хезмәткәр катнашты. Бүгенге көндә, диктантларны тикшереп, билгеләрен сайтка кую бара.

Тел-кешеләрнең аралашуы өчен бик әһәмиятле чара. Ул кеше тормышында бик мөһим урын тота. Ул- тормыш чыганагы, белем чишмәсе. Милли үзаң, милли горурлык хисләре тәрбияләү максатыннан китапханәдә "Туган телем сагында" - дип аталган китап күргәзмәсе ачылды.

Татар теленнән төп дәүләт имтиханын бу уку елында 10 укучы тапшырыр дип көтелә.Һәр сишәмбе укучылар өчен имтиханга әзерлек уза.