Бүген мәктәп каршында "Кояшкай" ял лагере эшли башлады. Лагерьның беренче көне - Балаларны яклау көне уңаеннан уздырылган төрле чаралар белән үтте.

Мәктәбебезнең " КОSМОS" отряды "Без тәмәкегә каршы!" акциясе буенча сәяхәт ясады. Алар төрле буын кешеләре белән әңгәмә корып, үзләре ясаган агачка ленталар бәйләтте. Башкаларны да сәламәт яшәү рәвеше алып брырга чакырдылар.

Бүген мәктәптә "Соңгы кыңгырау чыңы!" дип исемләнгән 9 нчы сыйныф укучыларының чарасы узды. Укучыларыбызга һәркем изге теләкләрен юллады. 13 укучы өчен бүген бу мәктәптә кыңгырау соңгы тапкыр яңгырады. Уңышлар сезгә, кадерле укучыларыбыз!

12 май көнне мәктәбебез укучылары районда "Безопасное колесо" ярышында катнаштылар. Команда 2 урын алды. Афәрин! Уңышыгыз белән котлыйбыз!

Иске Кишет мәктәбендә Бөек Җиңүнең 69 еллыгына багышланган бәйрәм үтте. Бәйрәмдә авылыбызның тыл ветераннары да катнашты.

3 май көнне Иске Кишет башлангыч мәктәбендә өмә үткәрелде. Укучылар һәм укытучылар көче белән мәктәп яны участогы , мәктәп тирәсе җыештырылды

Тирә-якны чистарту - безнең бурычыбыз! Мәктәбебезнең һәр укучысы моны яхшы белә. Шул максаттан барлык укучылар һәм укытучылар "Чиста авыл" акциясендә бик актив катнаштылар. Тирә-ягыбызның чистарып калуыннан һәркем канәгать калды.

Иске Кишет башлангыч мәктәбендә 25 апрель көнне сөекле шагыйребез Г.Тукайның туган көненә багышлап “Без - Тукай оныклары” дигән викторина үткәрелде. Викторинада һәр бала да актив катнашты. Катнашучылар сертификат һәм дипломнар белән бүләкләнде.

Мәктәбебездә Минҗанова Э.Ф. җитәкчелегендә үткәрелгән "Әлифба"  бәйрәмендә әти - әниләр, укучылар актив катнаштылар. Айсылу белән Зөләйхага укуларында зур уңышлар теләп калабыз.

Һәр елның 27 нче марты – театр көне буларак искә алына. Быел бу бәйрәм аеруча тантаналы төсмер алды. Чөнки, 2014 ел, Россия күләмендә “Мәдәният елы” дип игълан ителде. Шул уңайдан без, драматург Галиәскар Камалның “Беренче театр” әсәрен, сәнгать укытучысы Фәридә Ильдусовна ярдәме белән сәхнәләштердек.