9 класс укучылары белән Г.А.Мостафина  8 апрель көнне  “Бүген ярдәм итә алсаң, иртәгә үзеңә булышырлар” исеме астында тәрбия сәгате үткәрде.  Класс җитәкчесе  олыларга һәм кечеләргә, классташларга көчеңнән килгәнчә ярдәм итәргә кирәклеге турында сөйләде, видеосюжет күрсәтте.

"Игелекле эшләр атналыгы" кысаларында сәнгать укытучысы А. М. Җамалиева "Юный Добрёнок" темасына рәсем күргәзмәсе оештырды. Рәсем ясауда 5-6 нчы сыйныф укучылары актив катнашты. Укучылар бу темага һәркайсы үзенчә иҗади якын килгән иде. Игелекле эшләр кылып, тирә-юньдәгеләргә ярдәм итеп яшик!

Иске Кишет мәктәбендә авыл китапханәчесе белән берлектә Халыкара китап көненә багышланган тәрбия сәгате үтте. Ул "Иң күп китап укучы " бенефисы формасында үткәрелде. Укучылар башта китапханәгә кайткан яңа китаплар белән танышты. Аннан иң күп китап укучы Галимҗанова Азалия китап укуның үзенә нинди файда китерүе хакында сөйләде. Г.Тукайның "Безнең бабай" шигырен укыды. 

. 

9 класс укучылары, 7 апрель көнне “Весенняя неделя добра” кысаларында балалар бакчасына керделәр. Бакча балаларына пластилиннан кошлар әвәләргә өйрәттеләр, безнең якта яшәүче кошлар турында сөйләделәр.

“Мәрхәмәтлек атналыгы” кысаларында 1,4 класс укучылары сыйныф җитәчеләре Гөлфия Наиловна белән берлектә”Кечкенә дустым” темасына әңгәмә һәм күңелле уеннар үткәрделәр, башваткычлар чиштеләр, кызыклы табышмакларга җаваплар таптылар

7нче апрель көнне 2-3 класс укучылары  " Мәрхәмәтлелек нәрсә ул?" дигән мультфильм карадылар һәм соңыннан укучылар эшләгән яхшы эшләрдән "Мәрхәмәтлелек агачы" "үстерделәр"

Мәктәбебездә бүген "Сәламәтлек көне" исеме астында спорт буенча класстан тыш чара үткәрелде. Укучылар ГТО нормалары буенча белемнәрен тикшерделәр, төрле уеннар ярдәмендә әзерлекләрен сынап карадылар. Чарада һәр укучы актив катнашты. Физик тәрбия укытучысы Р.Р.Сәйфетдинов һәр укучының ГТО нормалары буенча әзерлекләрен билгеләргә тырышты. 

Дәресләрдән соң укытучылар катнашында "Күңелле стартлар" уены үткәрелде. Ике командага бүленеп, алар да ГТО буенча төрле күнегүләр башкардылар. 

   Бүген, 6 апрель көнне, 7 класс укучылары “Однажды проявив милосердие, ты можешь изменить жизнь” дип исемләнгән видео-ролик карадылар. 30 ел элек эшләнгән яхшылык онытылмаган. Герой гомере буе  ул яхшылыкны йөрәгендә йөрткән. Әңгәмәдән шул аңлашыла,  сиңа эшләнгән яхшылыкны онытырга ярамый. Балаларны  видео-ролик герое үрнәгендә тәрбияләү – безнең төп бурычларның берсе.

       Бөек шагыйребез Г.Тукайның 130 еллык зур юбилеен каршы алырга эзерләнә.Районыбызда төрле чаралар уздырыла. Шундый чараларның берсе 6 апрель көнне Г.Тукай исемендәге Ашытбаш урта гомуми белем мәктәбе базасында узды. “Г.Тукай әсәрләре рус теленә тәрҗемәдә” номинациясендә 5 класс укучысы Шакирова Энҗе ( укытучысы Фазылҗанова Г.Н.) 3 дәрәҗә, “Г.Тукай әсәрләре инглиз теленә тәрҗемәдә” номинациясендә шул ук класс укучысы Сафиуллина Раилә ( укытучысы Сафиуллина А.Р.)  2 дәрәҗә  дипломга лаек булдылар!  Котлыйбыз!

6 апрель көнне 5 – 7 класс укучылары өчен “Көчлеләр һәм җитезләр” дип исемләнгән интеллектуаль бәйге үткәрелде. Уенның максаты: укучыларның географиядән алган белемнәрен тормышта куллана белүенә ирешү, белем дәрәҗәләрен арттыру, укучыларның фикерләү сәләтен үстерү, аларда бердәмлек, бер – берсенә ярдәм итү хисе тәрбияләү.

Уенда “Айсберг” белән “Эльбрус” командалары көч сынаштылар. “Айсберг” командасы 3 балл өстенлек белән җиңү яулады.