Мәктәбебезнең педагог-оештыручысы Җамалиева А.М. "Мәгариф" журналына язылучылар өчен  үткәргән мастер-класста катнашты. 

9 нчы класс укучылары рус теленнән сынау имтиханы эшләделәр. Имтихан өчен кирәк булачак белемнәрен искә төшерделәр, үзләрен сынап карадылар. 

7,8,9 нчы класс укучылары катнашында Көзге бал бәрәме үткәрелде. . Балга килүче һәр класс матур биюләр бүләк итте. Кызларыбыз "Көзсылу-2016" исеме алу өчен, үзләрен төрле өлкәләрдә сынап карадылар. Кичә эчтәлекле, күтәренке рухта үтте. 

21 нче октябрь көнне мәктәптә Уңыш бәйрәме үтте. Бәйрәм кичәсен 5-6 класс укучылары класс җитәкчеләре Сафиуллина А.Р., Мостафина Г.А. һәм педагог-оештыручы Җамалиева А.М. җитәкчелегендә оештырдылар. Бәйрәм чарасы матур җыр-биюләргә, әкияти тамашаларга бай булды.

Мәктәбебез укучылары традиция буенча, Көзге бәйрәмнәргә композицияләр ясыйлар. Бу елны укучылар класс җитәкчеләре белән берлектә искиткеч матур, зәвыклы, серле күргәзмәләр оештырдылар. Иң бай һәм иң күләмле композицияләр 8-9 нчы классларныкы иде. Һәр күргәзмә күңелгә матурлык өстәп тора. 

19 нчы  октябрь көнне мәктәптә көзге өмәләр үтте. Тирә-юнь, бакчалар чистартылды. Яшелчә бакчасы кышка әзерләп куелды. Чарада һәр укытучы, һәр укучы актив катнашты. 

15 октябрь-халкыбызның катлаулы тарихында коточкыч көннәрнең берсе. Бу көнне Казан ханлыгы үзенең бәйсезлеген югалткан, колония сыйфатында яшәргә мәҗбүр булган. 1552 елгы дәһшәтле вакыйганы халык бик авыр кичергән. Ул гасырлар буе сыкранган, әрнегән, нәфрәтләнгән. Ләкин күп газаплар кичерүенә карамастан, киләчәгенә өметен өзмәгән, телен, динен, гореф- гадәтләрен һәм, ниһаять, үзенең милли үзаңын саклап калган.

 Бу көнне һәр татарның күз алдында тарихтагы коточкыч фаҗигале вакыйгалар гәүдәләнә. Шуңа да “Хәтер көне” билгеләп үтелә. Безнең мәктәптә дә бу көн искә алып үтелде. Педагог-оештыручы А. М. Җамалиева һәм отряд вожатыйлары бу көн турында тулы мәгълүмат җиткерделәр, аерым истәлекләр белән таныштырдылар.  

9 нчы класс укучылары математика һәм рус теленнэн мэктэптэ сынап карау имтихан эшләре эшләделәр. 

     Гадәти генә булган 5 нче октябрь иртәсе Яңа Кишет төп гомуми белем мәктәбендә истә калырдай күнелле мизгелләр белән башланды. Укучылар укытучыларны бәйрәм уңаеннан әзерләнгән котлау открыткалары тотып каршы алдылар. Укучыларының мондый хөрмәте һәр укытучыга яңа эш дәрте өстәде.

      Бәйрәм рухы көн барышында дәвам итте. Мәктәпкә өлкән укытучыларыбыз һәм хезмәткәрләр чакырылды. 8 нче сыйныф укучылары Габдрахманова Нурания Шәйдулла кызы җитәкчелегендә “"Рәхмәтләрнең иң олысы сезгә булсын, укытучым!” дип исемләнгән бик эчтәлекле бәйрәм концерты хәзерләделәр. Укучыларның матур җырлары, дәртле биюләре, оештырган уеннары ветеран укытучыларыбызны яшьлекләренә кайтарды. Алар уеннарда катнаштылар,  вальс биергә чыгулары бәйрәмебезгә тагын да ямь өстәде. Бәйрәм чәй өстәле артында дәвам итте. Хөрмәтле ветераннарыбыз мәктәп коллективына олы рәхмәтләрен, ә укучыларга изге теләкләрен, акыллы киңәшләрен җиткерделәр.