7 апрель- Бөтендөнья сәламәтлек көне.

Орлыкларыбыз шытып та чыкты. 

22 нче  март - Бөтендөнья сулыкларны саклау көне. СУ ЯШӘҮ ЧЫГАНАГЫ! 
  Шул уңайдан бакчабызда экологик тәрбия сәгатьләре үткәрелде.

Хезмәт тәрбиясе. Орлыклар чәчәбез. 

Баланың фикерләве аның бармак очларында. Сөйләм үсеше бит вак моторика үсеше белән тыгыз бәйләнгән. Бала өчен аның куллары – күзләре ул. Бала бит сиземләү аша фикер йөртә: нәрсәне тоя, шуны күз алдына китерә. Ә куллар белән күп нәрсәне эшләргә була: уйнарга, рәсем ясарга, төзергә, әвәләргә, тикшерү үткәрергә. Вак моториканы үстерү тагын әле шуның өчен дә мөһим: баланың алдагы барлык тормышы кул чуклары һәм бармаклары белән көнкүреш эшләрен үтәү, өйрәнү өчен кирәкле төгәл хәрәкәтләр башкаруны таләп итәчәк.

Гомумән, балаларның сөйләм үсеше дәрәҗәсе кул бармаклары хәрәкәтләренең үсеш дәрәҗәсе белән турыдан-туры бәйле, дип әйтергә була.

Гаилә бәйрәменә  "Ашит " табигый заказнигы специалисты  Абдрахманова Гөлнара Ильясовна белән 
 Минэкология  һәм табигый  ресурсларның Төньяк управлениесе специалисты Хурамшина Талия Талгатовна да килде. Алар балаларга һәм әти-әниләргә экологик конкурсларда актив катнашканнары өчен грамоталар тапшырдылар.

Әни... Әби... Дәү әни... Бу сүзләрне күпме генә кабатласаң да, әйтеп туеп булмый. Безгә тормыш бүләк иткән газиз әниләребезнең җылы карашын, нурлы йөзләрен күрү, ягымлы сүзләрен ишетү, бернинди бизмәннәр белән дә үлчәп булмый торган кайгыртучанлыгын тою дөнья йөзендә иң зур бәхет ул. Бу сүзләрдә күпме тирән мәгънә, яшәү көче,җылы хисләр агышы, күңелнең иң нечкә кылларын тирбәтүче самими нур агышы чагыла. Әйе, дөньяда иң гүзәл затларыбыз - хатын - кызлар булганда гына яңа тормыш ярала, кешелеккә җан өрүче хатын-кызларыбыз булганда гына кешелек дөньясы югалмаячак, һаман алга барачак. Бу гүзәл бәйрәм уңаеннан ясле төркемендә дә бәйрәм узды. Бәйрәмдә курчак театры да курсәттек. Гомумән, без бакчабызда һәр бәйрәмне үзенчәлекле, кабатланмас итеп уздырырга тырышабыз һәм моңа ирешәбез дә. Бизәлгән зал, матур костюмнар, җырлы-биюле тамаша әни-әбиләребезнең күңеленә бик хуш килде. Балаларның җыр-биюләре, якты елмаюлары һәрберебезне үз балачагына алып кайтты, әниләрнең йомшак күңелләре ярларына сыймаган ташкындай тышка бәреп чыкты - һәр әни-әбинең күзендә шатлыклы яшь тамчылары иде. Балаларның нәни куллары ясаган бүләкне алу, иң бәхетле, дулкынландыргыч мизгелләр булды.

Яңа Кенәр авылында махсус хәрби операциядә катнашучы хәрбиләргә ярдәм өчен «Җиңү җыры яңгырый илемдә» дип аталган оешмалар арасында хәйрия концертына үз өлешебезне керттек.

Бакчабыз музеена сәяхәт. 

"Чишмә башы" газетасының февраль саны дөнья күрде.