Тукай – үлемсез шигырьләре белән халык күңеленә мәңгегә кереп калды. Ул калдырган әдәби мирас- милләтебез горурлыгы.
Габдулла Тукай иҗаты белән кызыксынуны арттыру, командада эшләү күнекмәләрен үстерү, татар әдәбияты һәм мәдәнияте турында белемнәрне киңәйтү һәм шагыйрь иҗатына мәхәббәт уяту максатыннан мәктәбебез укучылары белән Тукай иҗатына багышланган квест-уен уздырылды. Укучылар дүрт командага бүленеп, төрле тукталышларда биремнәр үтәделәр, үзләренең белемнәрен сынадылар.  Һәр команда маршрут кәгазе буенча станцияләр аша үтте: Тукай әкиятләре буенча табышмакларны чиштеләр; әсәрләргә иллюстрацияләрне таптылар, шагыйрьнең тормышы һәм иҗаты турындагы викторина сорауларына җавап бирделәр. Чара дустанә, иҗади атмосферада узды.